သောတဒွါရဆိုင်ရာ ရှုမြင်ပုံ။
အကြားအာရုံနဲ့ ပတ်သက်ပြီး အသံက နားထဲမှာ ၀င်လာတယ်။ နားထဲမှာ အသံကို ကြား
လိုက်ရတယ်။ ကြားလိုက်ရတဲ့ အခါမှာ ကြားသိစိတ် ပေါ်လာတယ်။ ကြားသိစိတ် ပေါ်လာတော့
အာရုံနဲ့ ဆက်သွယ်မှုဆိုတဲ့ ဖဿ ပေါ်လာတယ်။ ပေါ်လာတာအခါ ခံစားမှုဆိုတဲ့ ဝေဒနာ ပေါ်
လာတယ်။ နားရယ်၊ အသံရယ်၊ ကြားသိစိတ်ရယ်၊ ဖဿရယ်၊ ဝေဒနာရယ် (၅) ခုပဲ -ဟော
ဒီအတိုင်းပဲလာတယ်။ လူတိုင်းရဲ့ လူ့သဘာဝဟာ ဒီအတိုင်းပဲလေ။ ဘာလေး ကြားလိုက် ကြား
လိုက် ဒီအတိုင်းပဲ။ တရားထိုင်နေရင်း နားက အသံတစ်ခုခု ကြားလိုက်မယ်။ ကြားလိုက်ရင်
ဒီပုံစံအတိုင်းလာမှာပဲ။ ဒါ ဘယ်ပုဂ္ဂိုလ်ပဲဖြစ်ဖြစ်။ အာရုံစိုက်ပြီးတော့ကြည့်ရင်- နားထဲမှာ ဘာသံ
လေးပဲ ကြားလိုက်ကြားလိုက်။ ကြားလိုက်တာနဲ့ တစ်ပြိုင်နက် ကြားသိစိတ်ကလေးဟာ ဘွားက
နဲ ပေါ်လာပြီး ပျောက်သွားတာပဲ။ အဲဒါ အာရုံလေးနဲ့ ဆက်သွယ်မှုဆိုတာလည်း ပေါ်လာတာပဲ။
ခံစားမှု ဆိုတာလည်း ပေါ်လာတာပဲ။ ကြားတဲ့အသံဟာ သာယာဖွယ်ဆိုရင် ၀မ်းသာတယ်၊ မသာ
ယာဘူးဆိုရင် ၀မ်းနည်းတယ်ဆိုတာ ပေါ်လာတယ်။ ကြားချင်တဲ့ အသံဆိုရင် စိတ်ထဲမှာ သဘော
ကျသွားတယ်။ မကြားချင်တဲ့အသံ ဆိုလို့ရှိရင် စိတ်ထဲက သဘောမကျဘူး။ ဒီလိုဖြစ်သွားတယ်။
အဲတော့ အဲဒီ သဘာဝတရားတွေ အားလုံးဟာ မမြဲတဲ့ သဘာဝတရားတွေ။ မမြဲသည့်အ
တွက်ကြောင့် ဒုက္ခဖြစ်တဲ့ သဘာဝတရားတွေ။ ဒုက္ခဖြစ်သည့်အတွက်ကြောင့် အတ္တမဟုတ်တဲ့
သဘာဝတရားတွေကို “ငါ၊ ငါ့ဟာ” လို့မရှုရဘူးတဲ့။ “ငါ၊ ငါ့ဟာ” မဟုတ်ဘူးလို့ ရှုမြင်ရမယ်လို့
မြတ်စွာဘုရားက ရှင်အာနန္ဒကို ၀ိပဿနာ ကမ္မဋ္ဌာန်း တရားကို ဟောပေးတာ ဖြစ်ပါတယ်။
ဒါကြောင့် မိမိတို့လည်း ၀ိပဿနာတရား အားထုတ်လို့ရှိရင် ဒီရှုမှတ်ဖွယ်ရာ အာရုံတွေနဲ့ပဲ
တရားအားထုတ်ကြရမှာဖြစ်တယ်လို့ ကိုယ်စီကိုယ်ငှ သဘောကျပြီး ရှင်အာနန္ဒ မထေရ်မြတ်ကဲ့သို့
တရားထူး တရားမြတ်ရအောင် ကျင့်ကြံကြိုးကုတ် အားထုတ် နိုင်ကြပါစေကုန်သတည်း။
0 comments:
Post a Comment