ဣဿာမစ္ဆရိယသဘော ပြောပြပါဘုရား

ဣဿာမစ္ဆရိယသဘော ပြောပြပါဘုရား
===================
ြ မန်မာစကားသည် ပါဠိဘာသာနှင့် များစွာ ဆက်နွယ်လျက်ရှိ၏။ မြန်မာနှင့် ပါဠိသည် ခွဲ၍မရနိုင်ပါ။ ပါဠိစကားလုံးများစွာသည် မြန်မာစကားတွင် မြန်မာစကားအနေနှင့်ပင် ပါဝင် လျက်ရှိ၏။ အချိုးကျကျ သုံးတတ်လျက်ရှိ၏။
ယင်းပါဠိစကားတို့ကို အချိုးကျကျ သုံးတတ်ပင် သုံးတတ်သော်လည်း အဓိပ္ပာယ် အပြည့်အစုံကိုမူ သိသူနည်းပါးလှ၏။ သိအောင်လည်း မကြိုးစားသူ များ၏။ ကြိုးစားသူကား ရှားပါး၏။
ယင်းသို့ ရှားပါးသူတစ်ယောက်နှင့် တစ်ချိန်က တွေ့ခဲ့၏။ မိမိသည် အနားယူနေချိန် ဖြစ်၏။ ဒကာတစ်ယောက် ရောက်လာလျှောက်ထားသည်။
`ဦးပဉ္ဇင်းဘုရား၊ ``ဣဿာမစ္ဆရိယ-ဣဿာမစ္ဆရိယ´´နဲ့ တွဲတွဲပြီး သုံးကြပါတယ် ဘုရား´
`အင်း… အင်း´
`ဣဿာမစ္ဆရိယ မဖြစ်စေနဲ့၊ ဣဿာမစ္ဆရိယဟာ သိပ်ကြောက်စရာကောင်းတယ်နဲ့ သုံးကြပါတယ်ဘုရား´
`အင်း… အင်း´
`သုံးလို့သာ သုံးတယ်ဘုရား၊ အဲဒီ ဣဿာမစ္ဆရိယရဲ့ သဘောကို တပည့်တော် လည်း သေသေချာချာ မသိပါဘုရား´
`အင်း… အင်း´
`အဲဒီ ဣဿာမစ္ဆရိယ သဘောကို ပြောပြပါဘုရား´
`ကဲ… မှတ်ထား၊ သူတစ်ပါးရဲ့စည်းစိမ်ချမ်းသာကို ငြူစူတတ်တာက ဣဿာရဲ့ သဘောပဲ၊ ဒီစည်းစိမ်ချမ်းသာ ဂုဏ်သိမ်သတင်း ကျော်ဇောခြင်း စသော အရာအစုဟာ သူတစ်ပါးတို့မှာ မဖြစ်စေနှင့်လို့ ၀န်တိုတတ်တဲ့သဘောဟာ မစ္ဆရိယပဲ´
`ဒါဖြင့် ဣဿာမစ္ဆရိယဟာ တယ်ဆိုးပါလားဘုရား´
`ဆိုးတာပေါ့၊ ဒီဣဿာမစ္ဆရိယကြောင့် သတ္တ၀ါတွေ သံသရာမှာ ဒုက္ခရောက်နေကြ ရတယ်´
`မှန်ပါ၊ ရှင်းပါပြီဘုရား´
`ဣဿာဟာ သူတစ်ပါးရဲ့ နဂိုက ရပြီး၊ ရှိပြီးဖြစ်တဲ့ စည်းစိမ်ချမ်းသာကို မြင်၍ သော် လည်းကောင်း၊ ကြား၍သော်လည်းကောင်း၊ ၀မ်းမြောက်ရွှင်လန်းခြင်းမရှိဘူး၊ မမြင်လို မကြား လိုသော သဘောရှိတယ်´
`ဒါဖြင့် ဣဿာ ကိုယ့်မှာဖြစ်ရင် သိနိုင်တာပေါ့ဘုရား´
`သိနိုင်တာပေါ့၊ သူ့သဘော သိထားမှပဲဟာ´
`ဆက်ရှင်းပါဦးဘုရား´
`အဲဒီ သူတစ်ပါးတို့ရဲ့ စည်းစိမ်တွေ ပျက်စီးခြင်း ဆုတ်ယုတ်ချို့ယွင်းခြင်းကို အလိုရှိတာဟာ ဣဿာပဲ´
`ဣဿာဟာ တယ်ဆိုးပါလားဘုရား´
`ဆိုးတာပေါ့´
`ရှင်းပါဦးဘုရား´
`ဒီလူတော့ ဒီလို စည်းစိမ်ချမ်းသာ ဂုဏ်သိမ်အခြံအရံတွေ တွေ့ရလိမ့်မယ် ကြားရင် လည်း အဲဒီဣဿာက မခံနိုင်ဘူးတဲ့´
`မှန်ပါဘုရား´
`အဲဒီလူရဲ့ စည်းစိမ်ချမ်းသာ ဂုဏ်သိမ်အခြံအရံတွေ မရခြင်းကိုသာ အလိုရှိတာဟာ ဣဿာပဲ´
`တော်တော်မကောင်းတဲ့ တရားပဲနော်ဘုရား´
`ကြောက်စရာအကုသိုလ်ပေါ့´
`ရှင်းပါဦးဘုရား´
`အဲဒီ မနာလိုတဲ့ ဣဿာဟာ ၀မ်းမြောက်မှု မုဒိတာနှင့် ဆန့်ကျင်ဘက်ပဲ´
`ဒီနေရာမှာ ဣဿာနဲ့ မုဒိတာရဲ့ လင်္ကာနှစ်ပုဒ်ကို ယှဉ်ပြီးတော့ မှတ်ထားပေါ့´
`အမိန့်ရှိပါဘုရား´
``ပရမ္ပရ၊ ကံကောင်း မသဖြင့်၊ ပြည့်ဝဂုဏ်သိမ်၊ သူ့စည်းစိမ်ကို၊ မမြိန်နိုင်ကောင်း၊ စောင်းမြောင်းမဲ့ရွဲ့၊ ကဲ့ရဲ့ငြူစူ၊ ရှုတ်ချမူ၊ မှတ်ယူဣဿာသဘောတည်း။´´
``သုခိတလျှင်၊ သတ္တ၀ါမြင်သော် သူတော်စင်များ၊ ၀မ်းမြောက်ငြား၊ မှတ်သားမုဒိတာ၊ သဘောတည်း။´
(သင်္ဂြီုဟ်ဘာသာဋီကာ)
`ရှင်းပါတယ်နော်၊ ဣဿာက သူတစ်ပါးစည်းစိမ် ဂုဏ်သိမ်ကို မနာလိုဘူး၊ မုဒိတာက ၀မ်းသာတယ်၊ နာလိုတယ်ပေါ့ ဟုတ်လား´
`မှန်ပါ၊ ရှင်းပါတယ်ဘုရား´
`ဒီဣဿာဟာ သံသရာလမ်းခရီးမှာ တစ်ဘ၀အောက် တစ်ဘ၀ ယုတ်နိမ့်ညှိုးနွမ်း ခြောက်ခမ်း သေးသိမ်စေတတ်တဲ့ အလေ့ဖြစ်တယ်´
`ဒါဖြင့် ဣဿာဖြစ်ရင် ဖြစ်တဲ့လူပဲ ဒုက္ခရောက်မှာပေါ့ ဘုရား´
`အင်းပေါ့၊ အကုသိုလ်ဆိုတာ ဖြစ်သူသာ ခံပေါ့၊ တခြားသူမှာ ဘာဖြစ်မှာလဲ၊ ဘာမှမ ဖြစ်ဘူး´
`ရှင်းပါဦးဘုရား´
`ဒီဣဿာဟာ ညီညွတ်ခြင်းတရားကိုလည်း ကောင်းစွာဖျက်စီးတတ်တဲ့ ဖျက်ဆီးရေး တရားကြီးတဲ့´
`မှန်ပါဘုရား´
`ဒီဣဿာရှိနေရင် တစ်ဦးနဲ့တစ်ဦး၊ တစ်ယောက်နဲ့ တစ်ယောက် ဘယ်တော့မှ မညီညွတ်နိုင်တော့ဘူး၊ ကွဲပြားမှာ သေချာပြီတဲ့၊ ဟုတ်တာပေါ့၊ ဣဿာက မနာလိုနေတော့ ဘယ်မှာ တည့်တော့မလဲ ဟုတ်လား´
`ဟုတ်ပါတယ်ဘုရား´
`ကဲ ဣဿာရဲ့ အနက်သဘောကို မှတ်ထား´
၁။ ဣဿာဟာ သူတစ်ပါးရဲ့ စည်းစိမ်ကို ငြူစူခြင်းလက္ခဏာရှိတယ်။
၂။ သူတစ်ပါးရဲ့စည်းစိမ်၌ ၀မ်းမမြောက်ခြင်းကိစ္စရှိတယ်။
၃။ သူတစ်ပါးရဲ့ စည်းစိမ်ကို မျက်ကွယ်ပြုလိုခြင်း မမြင်လို မကြားလိုခြင်း ပစ္စုပဋ္ဌာန် ရှိတယ်။
၎။ သူတစ်ပါးရဲ့ စည်းစိမ်လျှင် ပဒဋ္ဌာန်ရှိတယ်တဲ့၊ … ဒီလောက်ဆို ဣဿာ သဘော ပေါက်လောက်ရောပေါ့နော်´
`မှန်ပါ ပေါက်ပါပြီဘုရား´
` အေး… ဣဿာ သဘောပေါက်ရင် ဣဿာကို ကြောက်ပြီးတော့ ဣဿာ မဖြစ်အောင် ရှောင်နော်´
`မှန်ပါ ကြိုးစားရှောင်ပါမယ်ဘုရား´
`မရှောင်ရင် ခုရော နောင်ပါ ဒုက္ခရောက်မယ်´
`မှန်ပါဘုရား´
`ကဲ… မစ္ဆရိယသဘော ပြောကြစို့၊ မစ္ဆရိယဆိုတာက ၀န်တိုတာနော်၊ ဣဿာက မနာလိုတာ´
`မှန်ပါဘုရား´
`၀န်တိုတဲ့ သဘောဆိုတာ မိမိရပြီးတဲ့ဥစ္စာ စည်းစိမ်ဂုဏ်သိမ် အမျိုးမျိုးတို့ကို သူတစ်ပါးနဲ့ မဆက်ဆံလိုခြင်း၊ သူတစ်ပါးမှာ မိမိလို မဖြစ်စေလိုခြင်း သဘောကို ခေါ်တယ်´
`မှန်ပါဘုရား´
` ဒီတော့ မစ္ဆရိယဟာ ရပြီးတဲ့စည်းစိမ်၊ ရလတ္တံ့ဖြစ်တဲ့ စည်းစိမ်ကို စွဲပြီးတော့ ဖြစ်တတ်တဲ့အတွက် မစ္ဆရိယနှစ်ပါး ပြားတယ်လို့မှတ်နော်´
`မှန်ပါဘုရား´
`ဘယ်လိုလဲဆိုတော့ မိမိ ရရှိပိုင်ဆိုင်ပြီးတဲ့ စည်းစိမ်ဥစ္စာတွေဟာ သူတစ်ပါးတွေနဲ့ ဆက်ဆံသွားမှာ စိုးရိမ်တယ်၊ တစ်စုံတစ်ခုသော အကြောင်းအချက်နဲ့ မိမိပိုင်ဆိုင်ခွင့်မှ လွတ်ပြီးတော့ သူတစ်ပါးရဲ့ လက်ထဲရောက်သွားမှာကို မြင်ရ ကြားရမှာ တွေးတောဆင်ခြင်မိပြီးတော့ များစွာပင် နှလုံးမသာယာဖြစ်ရတယ်´
`မှန်ပါဘုရား´
`အဲဒါ ရပြီးသားပစ္စည်းအပေါ်မှာ ၀န်တိုမှု မစ္ဆရိယပဲပေါ့၊ တော်တော်ဆိုးတယ်နော်´
`မှန်ပါ၊ ဆိုးပါတယ်ဘုရား´
`ရသင့်-ရထိုက်တဲ့ ဥစ္စာစည်းစိမ် ဂုဏ်သိမ်အမျိုးမျိုးတွေမှာလည်း ဤမည်သော ဌာနမှာ ဤမည်သော ဥစ္စာစည်းစိမ် ဂုဏ်သိမ်အမျိုးမျိုးကို ရလတ္တံ့လို့ ကြံစည်ကြားသိရတဲ့အခါ အဲဒီ ရသင့်ရထိုက်တဲ့ အရာဟူသမျှကို မိမိချည်းသာ ရယူလိုတယ်၊ သူတစ်ပါးတွေရမှု, ယူမှုကို အလိုမရှိဘူး၊ အဲဒါ မစ္ဆရိယသဘောပဲ´
`မှန်ပါဘုရား´
`သူတစ်ပါးတွေ ရယူကြလိမ့်မယ်လို့ ကြံစည်ကြားသိရရင် နှလုံးမသာမယာ မျက်နှာ မလှ ဖြစ်တယ်၊ အဲဒါ ၀န်တိုမှု မစ္ဆရိယပဲ´
`မှန်ပါဘုရား၊ ဒီသဘောတွေဟာ တပည့်တော်တို့မှာ တော်တော်များများ ဖြစ်ပါတယ် ဘုရား´
`အင်း… ဖြစ်မှန်းသိရင် သူတော်ကောင်းပဲ၊ ပယ်နိုင်အောင် ကြိုးစားပေါ့နော်´
`မှန်ပါဘုရား´
၁။ မစ္ဆရိယဟာ မိမိရဲ့ ဥစ္စာစည်းစိမ်တို့ကို လျှို့ဝှက်ခြင်း လက္ခဏာရှိတယ်။
၂။ သူတစ်ပါးတို့နဲ့ ဆက်ဆံခြင်းငှာ သည်းမခံနိုင်ခြင်း ကိစ္စရှိတယ်။
၃။ မပေးရက်လို တွန့်တိုခြင်း ပစ္စုပဋ္ဌာန်ရှိတယ်။
၎။ မိမိရဲ့ ပြည့်စုံမှုလျှင် ပဒဋ္ဌာန်ရှိတဲ့၊ အဲဒါ မစ္ဆရိယသဘောပဲ။ ဒီလောက်ဆို မစ္ဆရိယ သဘောပေါက်ရောပေါ့နော်´
`မှန်ပါ၊ ပေါက်ပါပြီးဘုရား´
`ပေါက်ရင် ဣဿာနဲ့ မစ္ဆရိယ အတူပြောပြမယ်´
`ရသင့်-ရထိုက်တဲ့ ဥစ္စာစည်းစိမ်တွေမှာ သူတစ်ပါးရဲ့ ရယူမှုကို အလိုမရှိဘူး၊ သူတစ်ပါးရယူ၍နေတာ၊ ရလတ္တံ့စင်စစ်ဖြစ်တာကို ကြံစည်ကြားသိရလို့ စိတ်ပင်ပန်းတဲ့ သဘောဟာ ဣဿာပဲနော်´
`မှန်ပါဘုရား´
`မိမိအလိုရှိနေတဲ့ ဥစ္စာစည်းစိမ်ကို မိမိရမှ ရပါ့မလားလို့ မိမိမရသည့်အတွက် ကြံစည်ပြီးတော့ စိတ်ပင်ပန်းခြင်း သဘောဟာ မစ္ဆရိယပဲ´
`မှန်ပါဘုရား´
`ဣဿာနဲ့ မစ္ဆရိယဟာ အပြောအားဖြင့် ပေါင်းပြီးတော့ ဣဿာမစ္ဆရိယ မဖြစ်စေ နဲ့လို့ သုံးပေးမယ့် ဖြစ်တော့ တစ်ပေါင်းတည်းဖြစ်လေ့ မရှိဘူးနော်´
`မှန်ပါဘုရား´
`မစ္ဆရိယသဘော လင်္ကာကို ဒီလိုမှတ်ထား´
``ရလတ္တံ့-ရပြီး ငါ့ပစ္စည်းနှယ်၊ အဲ့ချီဖွယ်ကား၊ များကြွယ်သူတစ်ပါး၊ မဖြစ်စေသားဟု၊ ဖြစ်ပွားတတ်လျှင်း၊ ၀န်တိုခြင်း၊ မယွင်းမစ္ဆရိယသဘောတည်း´´ (သဂြိုဟ်ဘာသာဋီကာ)
`ကဲ… မစ္ဆရိယသဘော သိပြီးတော့ အဲဒီ မစ္ဆရိယအမျိုးအစားကို ပြောကြစို့၊ မစ္ဆရိယဟာ-
၁။ အာဝါသမစ္ဆရိယ - ကျောင်းကန်တိုက်တာ နေရာထိုင်ခင်းတို့၌ ၀န်တိုမှု၊
၂။ ကုလမစ္ဆရိယ - ဆွေမျိုးဉာတိ တပည့် ဒကာ ဒကာမတို့၌ ၀န်တိုမှု၊
၃။ လာဘမစ္ဆရိယ - ပစ္စည်းလာဘ်လာဘတို့၌ ၀န်တိုမှု၊
၎။ ၀ဏ္ဏမစ္ဆရိယ - ကိုယ်အဆင်း ဂုဏ်သတင်းတို့၌ ၀န်တိုမှု၊
၅။ ဓမ္မမစ္ဆရိယ- မိမိတတ်သိသော အတတ်ပညာ၌ ၀န်တိုမှု၊-လို့ ငါးမျိုးရှိတယ်။
`တယ်ကြောက်စရာကောင်းပါလားဘုရား´
`အဒီလို ကြောက်စရာကောင်းလို့ ဘုရားရှင်က ပဉ္စကနပါတ် အင်္ဂုတ္ထိုရ်ပါဠိတော်မှာ-
`ချစ်သားရဟန်းတို့…၊ မစ္ဆရိယတရား ငါးပါးကို မပယ်စွန့်နိုင်လျှင် ပထမဈာန်၊ ဒုတိယဈာန်၊ တတိယဈာန်၊ စတုတ္ထဈာန်ကို ၀င်စားလို့ မရဘူး၊ သောတာပတ္တိဖိုလ်၊ သကဒါဂါမိဖိုလ်ဉာဏ်၊ အနာဂါမိဖိုလ်ဉာဏ်၊ အရဟတ္တဖိုလ်ဉာဏ်ကိုလည်း မျက်မှောက် မပြုနိုင်ဘူး´ လို့ ဟောထားတာရှိတယ်၊ မစ္ဆရိယအပြစ် မကြီးဘူးလား´
`အလွန်တရာ ကြီးပါတယ်ဘုရား´
`ဒီတော့ အရပ်ထဲမှာ နေတဲ့အခါဖြစ်ဖြစ် တရားအားထုတ်တဲ့အခါဖြစ်ဖြစ် အချင်းချင်း မနာလိုမှု ၀န်တိုမှုများဟာ မဖြစ်တတ်ဘူးလား´
`ဖြစ်တတ်ပါတယ်ဘုရား´
`အစား အသောက်နဲ့ အ၀တ်နဲ့ အနေအထိုင်နဲ့ ရုပ်ဆင်းအင်္ဂါနဲ့ စသည်များစွာ ဖြစ်တတ် တယ်နော်´
`မှန်ပါဘုရား´
`အာဝါသ မစ္ဆရိယဆိုတာ မိမိကျောင်း မိမိအရာမ် မိမိအခန်းသို့ သီလဂုဏ်၊ ပညာဂုဏ်နဲ့ ပြည့်စုံတဲ့ ပုဂ္ဂိုလ်ရောက်လာရင် အဲဒီကျောင်းပိုင် အရာမ်ပိုင် အခန်းပိုင် ပုဂ္ဂိုလ်က သီလ သမာဓိ ပညာဂုဏ်ရှိတဲ့ ပုဂ္ဂိုလ်ကို မလာစေချင်ဘူး၊ ရောက်ပြီးလည်း ခဏပဲနေပြီးတော့ ပြန်သွားစေချင်တယ်၊ အဲဒီသဘောဟာ အာဝါသမစ္ဆရိယပဲနော်´
`မှန်ပါဘုရား´
`မိမိဆွေထဲ မျိုးထဲ မိမိကို ပစ္စည်းလေးပါးတို့ဖြင့် ဖိတ်ကြားထားတဲ့ ဒကာ-ဒကာမ တွေဆီသို့ သီလဂုဏ်၊ သမာဓိဂုဏ်၊ ပညာဂုဏ်သာတဲ့ ပုဂ္ဂိုလ်တွေ ရောက်လာတာကို မကျေနပ်တာဟာ ကုလမစ္ဆရိယပဲ´
`မှန်ပါဘုရား´
`ကိုယ့်ဆွေးမျိုး၊ ကိုယ့်ဒကာ ဒကာမတွေ သူ့ဒကာ ဒကာမဖြစ်သွားမှာစိုးတာပေါ့နော်´
`မှန်ပါဘုရား´
`ကိုယ့်ကျောင်းက ဒကာ ဒကာမတွေ ကိုယ့်အဖွဲ့အသင်းက လူတွေ သူ့ကျောင်း သူ့အဖွဲ့အသင်းပါသွားမှာ စိုးတာဟာလည်း မစ္ဆရိယပဲနော်´
`မှန်ပါဘုရား´
`ပစ္စည်းလာဘ်လာဘနဲ့ ပတ်သက်ရင် မိမိသာ ရချင်တယ်၊ သူတစ်ပါးကို မရစေချင်ဘူး၊ သူတစ်ပါးရမှာ စိုးတာဟာ လာဘမစ္ဆရိယပဲ´
`မှန်ပါဘုရား´
`မိမိရဲ့ ရုပ်အဆင်းအင်္ဂါမျိုး၊ မိမိရဲ့ ဂုဏ်သိက္ခာမျိုး၊ မိမိရဲ့ ကျော်စောသတင်းမျိုး သူတစ်ပါးမှာ မဖြစ်စေချင်တာက ၀ဏ္ဏမစ္ဆရိယပဲ´
`မှန်ပါဘုရား´
`ကိုယ်သိထားတဲ့ တရားဓမ္မတွေ သူတစ်ပါးမသိအောင် လျှို့ဝှက်ထားမယ်၊ သူတစ်ပါး မသိစေချင်ဘူးဆိုရင် ဓမ္မမစ္ဆရိယပဲ´
`မှန်ပါဘုရား´
`မစ္ဆရိယ ငါးမျိုးမှာ အဲဒီတရားကို ၀န်တိုတဲ့ ဓမ္မမစ္ဆရိယဖြစ်တာ အဆိုးဆုံး အယုတ် မာဆုံးတဲ့´
`မှန်ပါဘုရား´
`အဲဒီ မစ္ဆရိယငါးပါးရဲ့ အပြစ်တွေကို အဋ္ဌကထာလာတိုင်း မဃဒေ၀လင်္ကာမှာ ဒီလိုဖော်ပြထားတယ်´
``၀မ်းတွင်းမကောင်း၊ ရှင်အပေါင်းကား၊ ကိုယ့်ကျောင်းကိုယ့်ကံ၊ ကိုဗိမာန်ဟု၊ အမှန်တစိ၊ ရလာရှိက၊ မိမိနေရာ၊ ၀န်တိုစွာသား၊ အာဝါသမစ္ဆေရ၊ ကံပါပကြောင့်၊ ဘ၀ပြောင်းကာ၊ ပြိတ္တာဘီလူး၊ ညစ်ညူးယောနိ၊ ဒုဂ္ဂတိ၌၊ တပ်မိတပ်ရာ ဖြစ်တတ်စွာ၏´´
တဲ့။ အဲဒါ အာဝါသမစ္ဆရိယနော်၊ ပေါ်တယ်မဟုတ်လား´
`မှန်ပါ ပေါ်ပါတယ်ဘုရား´
`ပေါ်ရင် ကုလမစ္ဆရိယရဲ့ အပြစ်ဒေါသ အာဒီန၀ကို ပြောပြမယ်၊ ဘာတဲ့လဲ-
``ဒါယကာတပည့်၊ သူ့ထံလှည့်က၊ မကြည့်နိုင်လို၊ ၀န်တိုကုလ၊ မစ္ဆေရဖြင့်၊ ကြီးလှဒေါမနသ်၊ တုန်ဆတ်ဆတ်နှင့်၊ အူပြတ်သည်းကြွေ၊ ပူထွေနှလုံး၊ မီးအုံးပွက်လျှံ၊ သွေးစိမ်းအန်၏´´
တဲ့။ ဒါလည်း ရှင်းပါတယ်။ ကိုယ့်ဒကာတွေထဲ၊ ကိုယ့်လူတွေထံ သူတစ်ပါးတွေ မလာ စေလိုတဲ့အတွက် ခံရတဲ့ အပြစ်ပေါ့နော်´
`မှန်ပါဘုရား´
`ပြီးတော့ လာဘမစ္ဆရိယတဲ့၊ သူတစ်ပါးလာဘ်ရမှာစိုးတဲ့ အပြစ်ပေါ့၊ ဘာတဲ့လဲ-
``သံဃသန္တက၊ ဂဏိကဟု၊ ထိုမျှအပြား၊ ပစ္စည်းများကို၊ ဝေခြားမပြု၊ သိမ်းစုဝှက်ထား၊ သုံးစားကိုယ်သာ၊ ၀န်တိုစွာဖြင့်၊ လာဘမစ္ဆေ၊ ကံညစ်တေကြောင်း၊ သေသော်ပေတ၊ ယက္ခတသီး၊ စပါးကြီးပြိတ္တာ၊ ဖြစ်ယုတ်မာ၏´´
တဲ့။ ဒါကသံဃ-လာဘ်လာဘ၊ ဂိုဏ်းရဲ့ လာဘ်ဘာဘ ကိုယ်ချည်းပဲသုံးတာ သူများ လာဘ်ရမှာ စိုးတာကြောင့်၊ သေတဲ့အခါ ဘီလူးပြိတ္တာတို့ စပါးကြီးမြွှေတို့ ဖြစ်တယ်လို့ ပြောတာ´
`မှန်ပါဘုရား`
`ပြီးတော့ ၀ဏ္ဏမစ္ဆရိယနဲ့ ဓမ္မမစ္ဆရိယရဲ့ အပြစ်ကိုပေါင်းတော့-
``ရုပ်ဝါရူပ၊ သီလကျေးဇူး၊ သူ့ဂုဏ်ထူးကို၊ မနူးညွတ်တတ်၊ ပရိယတ်ဖြင့်၊ သူတတ်သည်ကို၊ မနာလိုကြ၊ ၀ဏ္ဏဓမ္မ၊ မစ္ဆေရဖြင့်၊ ဘ၀ါဘ၀၊ ဖြစ်သမျှဝယ်၊ မလှအဆင်း၊ ကင်း၏ပညာ´´
တဲ့။ အဲဒီလိုပြထားတယ်။ အဲဒါ မစ္ဆရိယငါးပါးရဲ့ အပြစ်တွေပဲ။ ကြောက်စရာတွေ မဟုတ်လား´
`ဟုတ်ပါတယ်ဘုရား´
`နောက်တစ်မျိုး အပြစ်တွေ ပြထားတာရှိသေးတယ်၊ ဘာတွေလဲဆိုတော့-
၁။ အာဝါသမစ္ဆရိ၊ မီးအတိဖြင့်၊ တောက်ညိပူပင်း၊ မြေတွင်းမြှုပ်တိမ်၊ ကော့၍ လိမ်အောင်၊ သံအိမ်ငရဲ၊ အမြဲခံရ။
၂။ ကုလမစ္ဆရာ၊ ဖြစ်တိုင်းမှာလျှင်၊ ဥစ္စာနည်းပါး၊ ချမ်းသာရှား၏။
၃။ တခြားလာဘ၊ မစ္ဆေရကား၊ တလ္လစက်ဆုပ်၊ နံခေါင်းချုပ်သည့်၊ ဘင်ပုပ်နိရယ၊ ငရဲကျ၏။
၎။ ၀ဏ္ဏတုံသော်၊ ထင်ပေါ်မဲ့မော၊ ကျော်စောမဟဲ့၊ ချို့တဲ့တတ်စွာ။
၅။ ဓမ္မမှာမူ၊ ပြာပူနရက်၊ ငရဲကျက်၏´
တဲ့။ အဓိပ္ပာယ်တွေ ရှင်းပါတယ်နော်၊ ရှင်းစရာလိုသေးလား´
`မလိုတော့ပါဘုရား´
`အေး… အဲဒီမစ္ဆရိယတွေရှိနေရင် ဈာန်တွေ မဂ်တွေ ရပါ့မလား´
`မရနိုင်ပါဘုရား´
`အေး… သောတာပန်ပုဂ္ဂိုလ်မှာ ဣဿာနဲ့ မစ္ဆရိယ မရှိဘူးတဲ့၊ ကိုယ်သောတာပန် ဟုတ်လား-မဟုတ်လားဆိုတာ အဲဒီ တရားနှစ်ပါး ကိုယ့်မှာ ရှိသေးလား- မရှိတော့ဘူးလားနဲ့ ကိုက်ကြည့်နော်´
`မှန်ပါဘုရား´
`အဲဒီသဘောတရားတွေ ကိုယ့်မှာတွေ့နေသေးရင်း သောတာပန် မဟုတ်သေးဘူး၊ အဲဒီ တရားနှစ်ပါး ကိုယ့်မှာ မတွေ့တော့ရင် သောတာပန်ပဲနော်´
`မှန်ပါဘုရား´
`ဒီဣဿာ မစ္ဆရိယ တရားနှစ်ပါးဟာ မျက်မှောက်ဘ၀မှာလည်း အမျိုးမျိုးသော ကြီးပွားဖွယ်တို့ကို ပိတ်ပင်တားမြစ်တယ်၊ ကြီးပွား၍နေတဲ့ အညွန့်အဖူးတို့ကိုလည်း ချိုးဖဲ့ ဖျက်ဆီးပစ်တတ်တယ်နော်´
`မှန်ပါဘုရား´
`ပြီးတော့ နောက်တမလွန်ဘ၀မှာ ကြီးပွားချမ်းသာခြင်း ဟူသမျှကိုလည်း အတင်း ဖိစီးနှိပ်စက်တတ်တယ်၊ အညွန့်မရှိ သတ္တ၀ါတုံးတိတွေ ဖြစ်အောင် စီရင်တတ်တယ်နော်´
`မှန်ပါဘုရား´
`ဒါကြောင့် မျက်မှောက် မျက်ကွယ် နှစ်သွယ် နှစ်ဘ၀ နှစ်လောကတို့၌ ကြီးပွား ချမ်းသာကို အလိုရှိတဲ့ အမျိုးကောင်းသားသမီးတွေဟာ ဒီလောက်ဆိုးယုတ်တဲ့ အယုတ် တရားနှစ်ပါးကို ရှောင်ရှား သတ်ဖြတ်ရမယ်နော်´
`မှန်ပါဘုရား´
`ဒါ့ကြောင့် ရှေးဆရာတို့က-
ဣဓ ပေစ္စ န ၀ဍ္ဎန္တိ၊
ဣဿာ မစ္ဆေရ ပီဠိတာ။
တသ္မာ ၀ုဒ္ဓိကာမာ တေ၊
ဟနေယျုံ သကဝေရိနော။ ။
ဣဿာမစ္ဆေရပီဠိတာ=ဣဿာမစ္ဆရိယ နှစ်ပါး၏ နှိပ်စက်ညှင်းပန်မှုကို ခံနေကြရကုန်သော သတ္တ၀ါအပေါင်းတို့သည်။ ဣဓ=ဤမျက်မှောက်ဘ၀၌လည်းကောင်း။ ပေစ္စ=နောင်တမလွန်ဘ၀၌လည်းကောင်း။ န၀ဍ္ဎန္တီ=ကြီးပွားကင်းပျောက် ညှိုးခြောက် သိမ်ငယ်ကြကုန်၏။ တသ္မာ=ထို့ကြောင့်၊ ၀ုဒ္ဓိကာမာ=ကြီးပွားမှုကို အလိုရှိကုန်သော သူတို့သည်။ သကဝေရိနော=မိမိတို့၏ ရန်သူ ရန်ဘက်ကြီးကို သတ်ဖြတ်ချိုးနှိမ်ကြကုန်ရာ၏။ လို့ မိန့်တော်မူခဲ့ကြတယ်။ ကဲ… တော်လောက်ရောပေါ့´
`မှန်ပါ တော်ပါပြီဘုရား´
ဣဿာ-မစ္ဆရိ နှစ်ပါးရှိ၊ ပျက်ဘိနှစ်လောကာ။
ထို့ကြောင့် သေချာ၊ ထိုနှစ်ဖြာ ပယ်ခွာကြလေပါ။
မပယ်ခွာက ခုနောင်ပ၊ ဒုက္ခတွေ့ကြမှာ။
ပယ်ခွာလောက ခုနောင်ပ၊ သုခချမ်းသာမှာ။
ဓမ္မဒူတ-အရှင်ပညာဇောတ
c/o ( MS )