"အရိယာပုဂ္ဂိုလ်(၈)ယောက်အကြောင်း သိမှတ်ဖွယ်"

"အရိယာပုဂ္ဂိုလ်(၈)ယောက်အကြောင်း သိမှတ်ဖွယ်"
==========================
မြတ်စွာဗုဒ္ဓ၏ တရားတော်မြတ်တို့အား နားကြား၊လိုက်နာကျင့်သုံးကြသဖြင့် သောတာပ တ္တိမဂ် အစရှိသည့် တရားထူးတရားမြတ်တို့အားရရှိကြသည့်သူတို့ကို “အရိယာ”ဟုခေါ်ဆို၏။ ထိုသူတို့သည် မိမိတို့ရရှိထားသည့် လောကုတ္တရာမဂ်ဉာဏ်(၄)ပါးနှင့် ဖိုလ်ဉာဏ်(၄)ပါးတို့ကို အကြောင်းပြုကာ ရရှိထားသည့် တရားတော်အလိုက် အရိယာပုဂ္ဂုလ် (၈)ယောက်ဟု သတ်မှတ် ထား၏။ထိုအရာပုဂ္ဂုလ် (၈)ယောက်တို့မှာ-
(၁) သောတာပတ္တိမဂ္ဂဋ္ဌာန်ပုဂ္ဂိုလ်
(၂) သကဒါဂါမိ မဂ္ဂဋ္ဌာန်ပုဂ္ဂိုလ်
(၃) အနာဂါမိ မဂ္ဂဋ္ဌာန်ပုဂ္ဂိုလ်
(၄) အရဟန္တ မဂ္ဂဋ္ဌာန်ပုဂ္ဂိုလ်
(၅) သောတာပတ္တိ ဖလဋ္ဌာန်ပုဂ္ဂိုလ်
(၂) သကဒါဂါမိ ဖလဋ္ဌာန်ပုဂ္ဂိုလ်
(၃) အနာဂါမိ ဖလဋ္ဌာန်ပုဂ္ဂိုလ်
(၄) အရဟန္တ ဖလဋ္ဌာန်ပုဂ္ဂိုလ် ဟူ၍ဖြစ်၏။
ထို့တွင် မဂ္ဂဋ္ဌာန်ပုဂ္ဂုလ်(၄)ယောက်ဟူသည်မှာ -မဂ်စိတ္တုပ္ပါဒ်ဖြစ်ဆဲသောခဏကိုသာယူရပြီး၊ထိုမဂ်စိတ်သည်လည်း တမျိုးလျှင်တကြိမ်သာဖြစ်၍ မဂ္ဂဋ္ဌာန်ပုဂ္ဂုလ်၏သက်တမ်းမှာ စိတ္တက္ခဏတစ်ချက်သာရှိ၏။ ဖလဋ္ဌာန်ပုဂ္ဂလ်တွင်မူ ဖိုလ်စိတ်သည် အကြိမ်များစွာဖြစ်နိုင်သောကြောင့် ထိုမဂ်စိတ်ဖြစ်သည်မှစ၍ ပရိနိဗ္ဗာန်စံတော်မူသည့် အထိတိုင်ေ အာင် ဖလဋ္ဌာပုဂ္ဂိလ်ဖြစ်ပါသည်။
ဖလဋ္ဌာန်ပုဂ္ဂိုလ် (၄)သည်လည်း သောတာပတ္တိဖလဋ္ဌာန်ပုဂ္ဂုလ်ကို သောတာပန် ဟု၎င်းေ ကာင်း၊သကာဒါဂါမိပုဂ္ဂုလ်ကို သကဒါဂါမ်၊ အနာဂါမိဖလဋ္ဌာန် ပုဂ္ဂုလ်ကို အနာဂါမ်ဟုခေါ်ဆို၍ ၊ အရ ဟန္တဖလဋ္ဌာန်ပုဂ္ဂုလ်ကိုမူ ရဟန္တာဟုခေါ်ဆိုပါသည်။
ထိုဖော်ပြပါအရိယာပုဂ္ဂုလ်(၈)တို့တွင် ဖလဋ္ဌာန်ပုဂ္ဂုလ်(၄)ယောက်ကို အနည်းငယ် ရှင်းလင်းပါမည်။ ထို(၈)ယောက်တွင် သောတာပတ္တိဖလဋ္ဌာန်ပုဂ္ဂိုလ်မှာ (၃)များရှိ၏။
“သောတာပန်-၃-မျိုး”
(၁) သတ္တက္ခတ္တုပရမ သောတာပန် = သောတာပန်အဖြစ်ဖြင့် ကာမဘုံတွင် လူ့ဘ၀၊နတ်ဘ၀ အနေဖြင့် ခုနှစ်ဘ၀ကျင်လည်နိုင်ပြီး၊ ထိုကာမဘုံတွင်ခုနှစ်ဘ၀ပြည့်သောအခါ ရဟန်ပြုပြီး ရဟန္တဖြစ်အောင်ကျင့်ကြံ၍ ပရိနိဗ္ဗာန်စံဝင်ရ၏။ သို့မဟုတ်က ရူပဗြဟ္မာဘုံနှင့် အရူပဗြဟ္မာဘုံ တို့တွင် သကာဒါဂါမ်၊အနာဂါမ်ဘ၀အဖြစ်ဖြင့် စံနေလျှင်ကား ခုနှစ်ဘ၀မကဖြစ်နိုင်လေ၏။
(၂) ကောလံကောလ သောတာပန် = သောတာပန်ဖြစ်ပြီးနောက် နှစ်ကြိမ်မှ ခြောက်ကြိမ်အထိ ပဋိသန္ဓေနေ့လေ့ရှိသော သောတာပန်မျိုးဖြစ်၏။
(၃) ဧကဗီဇီ သောတာပန် = သောတာပန်ဖြစ်ပြီးနောက်တွင် တစ်ကြိမ်သာပဋိသန္ဓေနေသော သောတာပန်မျိုးဖြစ်၏။
ထိုသို့အားဖြင့် သောတာပန်သုံးမျိုးကွပြားခြင်းသည်ထိုသောတာပန်ပုဂ္ဂုလ်၏ ၀ိပဿနာဉာဏ် အပေါ်၌မူတည်၍ ကွဲပြားသွားခြင်းဖြစ်သည်။
သကဒါဂါမိ၏အဓိပ္ပါယ်မှာ လူ့ပြည်သို့နောက်ထပ်တစ်ကြိမ်သာ လာရောက်ခြင်းရှိခြင်း ကြောင့် သကဒါဂါမိဟုခေါ်ဆိုဖြစ်သည်။သကဒါဂါမိပုဂ္ဂုလ်သည်လည်း(၅)မျိုးရှိ၏။ထို(၅)မျိုးတို့မှာ-
“သကဒါဂါမ် (၅)မျိုး”
(၁) ဣဓ ပတွာ ဣဓ ပရိနိဗ္ဗာယီ သကဒါဂါမ် = လူ့ပြည်တွင် သကဒါမိမဂ်ကိုရရှိပြီး၍ ဤလူ့ပြည်၌ပင် ပရိနိဗ္ဗာန်စံဝင်တော်မူသည့် သကဒါဂါမ်တမျိုး။
(၂) ဣဓ ပတွာ တတ္ထ ပရိနိဗ္ဗာယီ သကဒါဂါမ် = လူ့ပြည်တွင် သကဒါဂါမိမဂ်ကိုရ၍ နတ်ပြည်၌ ပရိနိဗ္ဗာန်စံဝင်တော်မူသည့် သကဒါဂါမ်တမျိုး။
(၃) ယတ္ထ ပတွာ တတ္ထ ပရိနိဗ္ဗာယီ သကဒါဂါမ် = နတ်ပြည်တွင် သကဒါဂါမိမဂ်ကိုရ၍ ထိုနတ်ပြည်၌ပင် ပရိနိဗ္ဗာန်စံဝင်တော်မူသည့် သကဒါဂါမ်တမျိုး။
(၄) တတ္ထ ပတွာ ဣဓ ပရိနိဗ္ဗာယီ သကဒါဂါမ် = ထိုနတ်ပြည်တွင် သကဒါဂါမိမဂ်ကိုရ၍ ဤလူ့ပြည်၌ ပရိနိဗ္ဗာန်ဝင်စံတော်မူသည့် သကဒါဂါမ်တမျိုး။
(၅) ဣဓ ပတွာ တတ္ထ နိဗ္ဗာယီ သကဒါဂါမ် = ဤလူ့ပြည်တွင် သကဒါဂါမိမဂ်ကို၍ နတ်ပြည်တွင် တစ်ကြိမ်ဖြစ်ပြီးလျှင်၊ ဤလူ့ပြည်၌ပြန်ဖြစ်၍ ပရိနိဗ္ဗာန် စံဝင်တော်မူသည့် သကဒါဂါမ်တမျိုး။
“အနာဂါမ်ဟူသည်”
အနာဂါမ်ဆိုသည်မှာ ဤကာမဘုံသို့ နောက်ထပ်တဖန်ပြန်လည်၍ မလာတော့ခြင်းကြောင့် အနာဂါမိ-အနာဂါမ်ဟုခေါ်ဆိုခြင်းဖြစ်၏။ထိုအရိယာပုဂ္ဂိုလ်တို့ကို ၄င်းတို့ရရှိထားသည့် တရားတော် (ဣနြေ္ဒ)အနုအရင့်အလိုက် (၅)မျိုးကွဲပြားပါသည်။
“အနာဂါမ် (၅)မျိုး”
(၁) အန္တရာပရိနိဗ္ဗာယီ အနာဂါမ် = မိမိရောက်ရှိနေသည့် သုဒ္ဓါဝါသဗြဟ္မာဘုံ၏ သက်တမ်း ထက်ဝက်အတွင်းမှာပင် အရဟတ္တဖိုလ်သို့ ရောက်ရှိအောင် ပရိနိဗ္ဗာန်ပြုသော အနာဂါမ်။
(၂) ဥပဟစ္စ ပရိနိဗ္ဗာယီ အနာဂါမ် = မိမိရောက်ရှိနေသည့် သုဒ္ဓါဝါသဗြဟ္မဘုံ၏ သက်တမ်း ထက်ဝက်ကျော်ပြီးသောအခါမှသာ အရဟတ္တဖိုလ်ကို ပရိနိဗ္ဗာန်ပြုသော အနာဂါမ်။
(၃) အသင်္ခါရ ပရိနိဗ္ဗာယီ အနာဂါမ် = လွယ်ကူစွာ ဆင်းရဲခြင်းမရှိဘဲ ရဟန္တာဖြစ်ရသော အနာဂါမ်။
(၄) သသင်္ခါရ ပရိနဗ္ဗာယီ အနာဂါမ် = ၀ီရိယလုံးလပြင်းစွာအားထုတ်၍ ခဲယဉ်စွာရဟန္တာ ဖြစ်ရသော အနာဂါမ်။
(၅) ဥဒ္ဓံသောတ အနာဂါမ် = အထက်ဗြဟ္မာ့ဘုံသို့ တက်ရောက်ပြီး ရဟန္တာဖြစ်၍ ပရိနိဗ္ဗာန်စံဝင်သော အနာဂါမ်။
ထိုအနာဂါန်(၅)မျိုးတို့တွင် ဥဒ္ဓံသောတ အနာဂါမ်သည်-
(၁) သုဒ္ဓါဝါသငါးဘုံးဘုံစဉ်စံ၍ အကနိဋ္ဌာဗြဟ္မာ့ဘုံ၌ ပရိနိဗ္ဗာန်စံဝင်တော်မူသော အနာဂါမ်။
(၂) အကနိဋ္ဌာဗြဟ္မာ့ဘုံသို့ မရောက်မီ အောက်သုဒ္ဓါဝါသလေးဘုံမှာပင် ရဟန္တာဖြစ်၍ ပရိနိဗ္ဗာန်စံ ၀င်တော်မူသော အနာဂါမ်။
(၃) ဤလူ့ပြည်မှ စုတေ၍ အကနိဋ္ဌာဗြဟ္မာ့ဘုံသို့ရောက်ရှိပြီး ပရိနိဗ္ဗာန်စံဝင်တော်မူသော အနာဂါမ်။
(၄) လူ့ပြည်တွင် အနာဂါမ်ဖြစ်၍ သုဒ္ဓ၀ါသအောက်ဗြဟ္မာ့လေးဘုံတွင် တစ်ခုခုသောဘုံသို့ရောက် ရှိပြီး ထိုဘုံ၌ပင် ပရိနိဗ္ဗာန်စံဝင်တော်မူသော အနာဂါမ်ဟူ၍ ဥဒ္ဓံသောတအနာဂါမ်သည် လေးမျိုးထပ်မံရှိလေ၏။

“ရဟန္တာဟူသည်”
အရဟတ္တမဂ်ဉာဏ်၊အရဟတ္တမဂ်ဖိုလ်ဉာဏ်တို့ဖြင့် ကိလေသာအာသဝေါကုန်ခန်းသော အရိယာတို့ကို ရဟန္တာဟုခေါ်ဆိုပါသည်။ ထိုရဟန္တာတို့သည် မိမိတို့ရရှိထားသည့် တရားတော် ၀ိသေသအလျောက် အောက်ပါအတိုင်း(၆)မျိုးရှိပါသည်။
“ရဟန္တာ(၆)မျိုး”
(၁) ဆဠဘိည ရဟန္တာ = အဘိဉာဉ်ခြောက်ပါးနှင့် ပြည့်စုံတော်မူသော ရဟန္တာ။
(၂) တေ၀ိဇ္ဇာ ရဟန္တာ = ပုဗ္ဗေနိဝါသဉာဏ်၊ဒိဗ္ဗစက္ခုဉာဏ်၊ အာသ၀က္ခယဉာဏ်တည်းဟူ သော ဉာဏ်တော်သုံးပါးနှင့် ပြည့်စုံတော်မူသော ရဟန္တာ။
(၃) ပဋိသမ္ဘိဒါပတ္တ ရဟန္တာ = ပဋိသမ္ဘိဒါ ဉာဏ်တော်လေးပါးနှင့်ပြည့်စုံတော်မူသော ရဟန္တာ။
(၄) တိပိဋကဓရ ရဟန္တာ = ပိဋကသုံးပုံကို နှုတ်တက်ဆောင်တော်မူသော ရဟန္တာ။
(၅) ဈာနလာဘီ ရဟန္တာ = ရူပဈာန်၊အရူပဈာန်တော်တို့ကို ရရှိတော်မူသော ရဟန္တာ။
(၆) သုက္ခ၀ိပဿက ရဟန္တာ = ဈာန်၊အဘိညာဏ်မရှိပဲ ဈာန်၊အဘိညာဏ်အစေး ခြောက်သွေ့သော ရဟန္တာ။
ဟူ၍ဖြစ်၏။
တဖန်ထိုရဟန္တာပုဂ္ဂိုလ်သည် (၅)မျိုးအားဖြင့် တနည်းရေးတွက်လေ့ရှိပါသည် ထို(၅)မျိုးမှာ-
“တနည်း ရဟန္တာ(၅)မျိုး”
(၁) ပညာဝိမုတ္တိ ရဟန္တာ = သုက္ခ၀ိပဿက ရဟန္တာနှင့် ရူပဈာန်လေးပါးမှထ၍ အရဟ တ္တဖိုလ်သို့ရသော ရဟန္တာ။
(၂) ဥပတောဘောဂ၀ိမုတ္တ ရဟန္တာ = အရူပဈာန်ကိုရရှိပြီးနောက် အရဟတ္တဖိုလ်သို့ ရောက် ရှိသော ရဟန္တာ။
(၃) တေ၀ိဇ္ဇာ ရဟန္တာ = ရှင်းပြခဲ့ပြီး။
(၄) ဆလဘိညာ ရဟန္တာ = ရှင်းပြခဲ့ပြီး။
(၅) ပဋိသမ္ဘိဒါပတ္တ ရဟန္တာ = ရှင်းပြခဲ့ပြီး။

“အရိယာပုဂ္ဂိုလ် ၇-မျိုး”
အရိယာပုဂ္ဂိုလ်သည် မဂ်ဉာဏ်၏ရှေ့အဖို့တွင်ဖြစ်သည့် ၀ုဋ္ဌာနဂါမိနီဝိပဿနာ၏ ထက်မြ တ်မှု၊မထက်မြတ်မှုအလျောက် အရိယာပုဂ္ဂိုလ်သည် (၇)မျိုးရှိ၏။၎င်းတို့မှာ-
(၁) သဒ္ဓါနုသာရီ = ယုံကြည်မှုသဒ္ဓါတရားနောက်သို့အစဉ်လိုက်သော အရိယာပုဂ္ဂိုလ်။
(၂) သဒ္ဓါဝိမုတ္တ = သဒ္ဓတရားလွန်ကဲမှုဖြင့် အာသဝေါတရားမှ လွတ်မြောက်သော အရိယာပုဂ္ဂိုလ်။
(၃) ကာယသက္ခိ = မိမိကိုယ်တိုင်ထိတွေ့ပြီး သက်သေခံနိုင်သော အရိယာပုဂ္ဂိုလ်။
(၄) ဥပတောဘာဂ၀ိမုတ္တ = နှစ်ကြိမ်လွှတ်မြောက်သော အရိယာ ပုဂ္ဂိုလ်။
(၅) ဓမ္မာနုသာရီ = ပညာဖြင့်အစဉ်အောက်မေ့တတ်သော အရိယာပုဂ္ဂိုလ်။
(၆) ဒိဋ္ဌိပ္ပတ္တ = သစ္စာလေးပါးကို သိမြင်ပြီး ချက်ချင်း နိဗ္ဗာန်သို့ရောက်တော်မူသော အရိယာပုဂ္ဂိုလ်။
(၇) ပညာဝိမိတ္တ = ပညာဖြင့် လွတ်မြောက်သော အရိယာပုဂ္ဂိုလ်။
ဖော်ပြပါ အရိယာပုဂ္ဂိုလ် (၇)မျိုးကို အနည်းငယ်ရှင်းပြရလျှင်-
(၁) သဒ္ဒါနုသာရီ အရိယာဆိုသည်မှာ သဒ္ဒါတရား ထက်သန်သော အနိစ္စာနု
ပဿနာ၌ထက်မြတ်သည့် သောတာပတ္တိမဂ္ဂဋ္ဌာန်အရိယာပုဂ္ဂိုလ်ကိုဆိုလိုပါသည်။
(၂) သဒ္ဓါဝိမုတ္တ အရိယာဆိုသည်မှာ အနိစ္စာနုပဿနာကို အာရုံပြု နှလုံးသွင်းအားထုတ်၍ အထက်မဂ်တရား(၃)ပါး နှင့်၊အောက်မဂ်တရား(၃)ပါးကို ရောက်ဆဲဖြစ်သည့် အရိယာပုဂ္ဂိုလ် ကိုဆိုလိုပါသည်။
(၃) ကာယသက္ခိ အရိယာဆိုသည်မှာ သမာပတ်(၈)ပါးကို ရရှိထားသည့် အရိယာသည် အထက်မ ဂ်(၃)ပါး အောက်မဂ်(၃)ပါး၌ နာမကာယဖြင့် ဈာန်အတွေ့အထိကို ကိုယ်တိုင်ထိတွေ့သိမြင်ပြီး နောက် နိဗ္ဗာန်ကို မျက်မြောက်သော အရိယာပုဂ္ဂိုလ်ကို ဆိုလိုပါသည်။
(၄) ဥဘတော ဘောဂ၀ိမုတ္တ အရိယာဆိုသည်မှာ ဈာန်သမာပတ်အခိုက်တွင် ၀ိက္ခမ္ဘန၀ိမောက္ခဖြင့် တစ်ကြိမ်းလွတ်မြောက်ပြီး၊ မဂ်ရောက်ဆဲခဏ၌ သမုစ္ဆေဒ၀ိမောက္ခဖြင့် တစ်ကြိမ်လွတ်မြောက်သော အရိယာပုဂ္ဂိုလ်ကို ဆိုလိုပါသည်။
(၅) ဓမ္မာနုသာရီ အရိယာဆိုသည်မှာ အနတ္တသဘောဖြင့် တရားနှလုံးသွင်း၍ သောတာပတ္တိမဂ် ကိုရသော အရိယာပုဂ္ဂိုလ်ကို ဆိုလိုပါသည်။
(၆) ဒိဋ္ဌိပ္ပတ္တ အရိယာဆိုသည်မှာ အနတ္တသဘောဖြင့် တရားနှလုံးသွင်း၍ အထက်မဂ်(၃)ပါး၊ အောက်မဂ်(၃)ပါးကို ရရှိထားသည့်အခိုက်ဖြစ်သော အရိယာပုဂ္ဂိုလ်ကို ဆိုလိုပါသည်။
(၇)ပညာဝိမုတ္တိ အရိယာဆိုသည်မှာ မဂ္ဂဋ္ဌာန်၊ဖလဋ္ဌန်တည်းဟူသော အရိယာပုဂ္ဂိုလ် (၈)ယောက်ကို သဒ္ဒါနုစာရီစသည့်အရိယာ(၇)မျိုးဖြင့် တွဲစပ်လျှင် သောတာပတ္တိမဂ္ဂဋ္ဌာန်ပုဂ္ဂိုလ်သည် သဒ္ဓါနုသာရီ နှင့် ဓမ္မာနုသာရီ အရိယာမည်၍၊ အရဟတ္တဖလဋ္ဌာန်ပုဂ္ဂိုလ်သည် ပညာဝိမုတ္တနှင့် ဥဘတောဘာဂ ၀ိမုတ္တအရိယာမည်ပါသည်။ အထက်မဂ္ဂဋ္ဌာန်ပုဂ္ဂိုလ်(၃)ယောက်နှင့် အောက်ဖလဋ္ဌာန်ပုဂ္ဂိုလ် (၃)ယောက်တို့သည် သဒ္ဓါဝိမုတ္တ၊ဒိဋ္ဌိပ္ပတ္တ နှင့် ကာယသက္ခိအရိယာတို့ဟူ၍ ခေါ်ဆိုပါသည်။ သောတာပတ္တိမဋ္ဌာန်(၂)မျိုးနှင့် အရိယာဖလဋ္ဌာန်(၂)မျိုး၊ အထက်မဂ္ဂဋ္ဌာန်နှင့် အောက်ဖလဋ္ဌာန်( ၃)မျိုး ကွဲပြားကြပါသည်။
(ကာမအမှောင် ဖယ်ခွာရှောင်၍ သစ္စာဉာဏ်ရောင် ၊ ထွန်းပြောင်နိုင်ကြပါစေ)
ဓမ္မ၀ီရ အရှင်တေဇနိယ
ဗုဒ္ဓဂယာ၊အိန္ဒိယ
c/o ( MS )