ဘုရားရှင်ကို လေးနဲ့ပစ်သတ်ဖို့ ကြိုးစားမှု။

ဘုရားရှင်ကို လေးနဲ့ပစ်သတ်ဖို့ ကြိုးစားမှု။
===========
မြတ်စွာဘုရားဟာ တောရကျောင်းတစ်ကျောင်းမှာ တစ်ပါးတည်း နေတော်မူတယ်။ အဲဒီမှာ
ဒေ၀ဒတ်ရဲ့ အစီအမံက အင်မတန်ကောင်းတယ်။ စနစ်ကျတယ်။ လက်ဖြောင့်လေးသမား တစ်
ယောက်ကို ဒေ၀ဒတ်က ဘုရားရှိတဲ့ဆီသွားပြီး မင်း ဘယ်နေရာကနေပြီး ပစ်၊ ပစ်သတ်ပြီးလို့ရှိရင်
ဘယ်လမ်းကပြန်လာခဲ့ဆိုတာ ပြောတယ်။
အဲဒီ ပြန်လာတဲ့လမ်းမှာ လက်ဖြောင့်လေးသမား (၂) ယောက်ကို ထားတယ်။ အဲဒီ (၂)
ယောက်က မြတ်စွာဘုရားကို လေးနဲ့ပစ်ပြီး ပြန်လာတဲ့လေးသမားကို ပစ်သတ်ရမယ်။ ဒီတစ်ခါ အဲ
ဒီ (၂) ယောက်ကိုလည်းပဲ တခြားလမ်းက ပြန်လာခိုင်းတယ်။ သူတို့ပြန်လာမယ့် လမ်းမှာ လက်
ဖြောင့်လေးသမား (၄) ယောက် ထားတယ်။ ၂ ဆ၊ ၂ ဆ၊ ပို့ထားတာ၊ လုံးဝမလွတ်နိုင်အောင် စနစ်
တကျ လုပ်ထားတာ။ အဲဒီ (၄) ယောက်က ဒီ (၂) ယောက်ကို ပစ်သတ်ရမယ်။ နောက်တစ်ခါ အဲဒီ
(၄) ယောက် ပြန်လာတဲ့လမ်းမှာ လေးသမား (၈) ယောက်ထားတယ်။ (၈) ယောက်က (၄) ယောက်ကို
သတ်ရမယ်။ ပြီးတော့မှ ဒေ၀ဒတ်က အားလုံးကို မပေါ်အောင် နှုတ်ပိတ်လိုက်မယ်။
တစ်ခါတည်း အစဖျောက်တဲ့ အဲဒီစနစ်နဲ့ လွှတ်လိုက်တာ။
လွှတ်လိုက်တော့ ပထမဆုံးသွားတဲ့ လေးသမားက မြတ်စွာဘုရားနား ရောက်တဲ့အခါကျ
တော့ သူ မသတ်ရဲဘူး။ သူ့စိတ်တွေ ပြောင်းသွားတယ်။ မြတ်စွာဘုရားက တရားဓမ္မဟောကြား
လိုက်တယ်။ ပြီးတော့ မင်း ဒီလမ်းက မပြန်နဲ့၊ တခြားလမ်းကပြန်လို့ ပြောလိုက်တယ်။ ဒေ၀ဒတ်ရဲ့
စီမံချက်တွေဟာ အကုန်လုံး အလွဲလွဲ အချော်ချော်တွေ ဖြစ်ကုန်တယ်။
ပထမ လေးသမားကိုသတ်ဖို့ စောင့်နေတဲ့ လေးသမား (၂) ယောက်ကလည်းပဲ ဒီလူ ကြာ
တယ် ဆိုပြီးတော့ လိုက်လာတော့ ဘုရားနဲ့တွေ့တယ်။ ဘုရားဆီမှာ သူတို့ တရားနာကြတယ်။ ဘု
ရားက မင်းတို့ ဒီလမ်းက မပြန်နဲ့ တခြားလမ်းက ပြန်လို့ ပြောတော့ အဲဒီလူ (၂) ယောက်လည်း မ
သေဘူး။ နောက်ထပ်လိုက်လာတဲ့ (၄) ယောက်ကလည်း ဒီလိုပဲ ဘုရားဆီ ရောက်လာကြတယ်။ ဘု
ရားက တခြားလမ်းကနေ လွှဲလွှတ်လိုက်တယ်။ (၈) ယောက်ကလည်း ဒီလိုပဲ ဘုရားဆီရောက်လာ
ပြီး တရားနာ တခြာလမ်းက လွှဲလွှတ်လိုက်တယ်ဆိုတော့ ဘယ်သူမှ မသေဘူး။ လုပ်ကြံမှုကြီး မ
အောင်မမြင် ဖြစ်သွားတယ်။
အဲဒီလို လုပ်ကြံသတ်ဖြတ်မှု ခံရတာဟာ တစ်ခုသောဘ၀မှာ ကလေးငယ်ဖြစ်တဲ့အချိန်မှာ
ပစ္စေကဗုဒ္ဓအရှင်မြတ်ကို သေစေလိုတဲ့စိတ်နဲ့ ကျောက်စရစ်ခဲတွေနဲ့ ပစ်ခဲ့ဖူးတယ်။ သေအောင်လုပ်
ခဲ့ဖူးတယ်။ သို့သော် မသေဘူး။ အဲဒီ ကံကြမ္မာရဲ့ အကျိုးဆက် ကံကြမ္မာဝဋ်ကြွေးကို ဘုရားဘ၀မှာ
ပြန်လည်ပေးဆပ်ရတယ်။
အဲဒါကြောင့် မကောင်းတာတွေ မလုပ်မိအောင် တို့တတွေ သတိကြီးစွာထားပြီး ရှောင်
ကြရမယ်လို့ သိရှိ သဘောပေါက်ပြီး ကံကြမ္မာဝဋ်ကြွေးတွေ မိမိသန္တာန်မှာ မတင်ရအောင် ကျင့်
ကြံကြိုးကုတ် အားထုတ်တော်မူနိုင်ကြပါစေ ကုန်သတည်း။