သူတစ်ပါးကို ကွဲအောင် လုပ်ခဲ့သော မှားယွင်းတဲ့ လုပ်ရပ်၏ ဝဋ်ကြွေးဆိုးကျိုး”- (ကောဏ္ဍဓာန)

သူတစ်ပါးကို ကွဲအောင် လုပ်ခဲ့သော မှားယွင်းတဲ့ လုပ်ရပ်၏ ဝဋ်ကြွေးဆိုးကျိုး”- (ကောဏ္ဍဓာန)
===========================================
ဟော၊ နောက်ဇာတ်လမ်းတစ်ခုက ဘာတုန်းဆိုရင် ရဟန်းတော်တစ်ပါး။
သူ့ဘွဲ့က မူရင်းကတော့ “ဓာန”ပေါ့။ ရှေ့ကနေပြီးတော့ “ကောဏ္ဍ” ဆိုတဲ့ စကားလုံး
ထည့်ပြီးခေါ်ကြတယ်။ ဘယ်လို အဓိပ္ပာယ်ရတုန်းဆိုတော့ “သူယုတ်မာ” အဓိပ္ပာယ်ရတယ်။
ကောဏ္ဍဒါန ဆိုတဲ့ ကောဏ္ဍ ဆိုတာ သူယုတ်မာကြီးပေါ့။

အဲဒီ ကိုယ်တော်ရဲ့ “ဝဋ်ကြွေး”က ဘယ်လောက်ကြောက်စရာ ကောင်းတုန်းဆိုတော့
လူ့ဘဝနေတုန်းက ဘာမှမဖြစ်ဘူး။ရဟန်းဝတ်လိုက်တဲ့အခါကစပြီးတော့
သူ့နောက်မှာ “အရိပ်” ပေါ်နေတယ်။ “အမျိုးသမီး” တစ်ယောက်က အမြဲလိုက်နေတယ်။
သူက မမြင်ရဘူး။ပတ်ဝန်းကျင်က လူတွေက အကုန်မြင်ရတယ်နော်။
အဲဒီကိုယ်တော်ရဲ့ နောက်က အမျိုးသမီးငယ်တစ်ယောက်က အမြဲတမ်းပါတယ်။

●ဆွမ်းလောင်းတဲ့ ဒကာ၊ ဒကာမတွေက ပြောတယ်။“ဒါက ကိုယ်တော့်အတွက်၊
ဒါက ကိုယ်တော့်ရဲ့ဒကာမအတွက်” ဆိုပြီးတော့ တချို့ကလည်း ပြောင်ပြောင် လှောင်လှောင်
လောင်းလှူလိုက်ကြတယ်။
●သူကတော့ နားမလည်ဘူးပေါ့။ သူ့နောက်က အမျိုးသမီး တစ်ယောက်ပါနေတာ
သူမသိဘူး၊ မြင်လည်း မမြင်ရဘူး။

သို့သော် မကောင်းသတင်း ဟိုးလေးတကျော် ဖြစ်နေရတယ်။ ဘယ်လိုမှ ဖြေရှင်းလို့မရနိုင်တဲ့ပြဿနာ ဖြစ်လာတယ်။နောက်ဆုံးမှာ ဘုရင့် နန်းတော်ထိအောင်
ဒီသတင်း ပေါက်သွားတယ်။ ပေါက်သွားတော့ “ကောသလမင်းကြီး”ကိုယ်တိုင် လာရောက်စုံစမ်းတယ်။

အဲဒီ ရဟန်းတော်နောက်က အမျိုးသမီးတစ်ယောက်အမြဲတမ်းပါတယ်။ ကျောင်းအခန်းထဲ ဝင်သွားလည်း
ပါသွားတာပဲ။ အမြဲတမ်း အတူတူ နေတယ်လို့ ထင်ရတယ်။ လူကောင်ထည်ကြီးကို
မြင်နေရတာဆိုတော့ ဘယ်သူမှ မယုံဘူးပေါ့နော်။ အဲဒါ တကယ့်အဖြစ်အပျက်နော်။

ကောသလမင်းကြီးကြားလို့ လာစုံစမ်းတဲ့အခါအဲဒီကိုယ်တော် ကျောင်းထဲဝင်သွားတဲ့အခါ
သူ့နောက်က အမျိုးသမီးတစ်ယောက်ကို မြင်ရတယ်။ ကျောင်းပေါ် တက်ကြည့်တော့ အဲဒီအမျိုးသမီး
မတွေ့ရပြန်ဘူး။ တစ်ခါ အောက်ပြန်ဆင်းလိုက်ပြန်တော့မြင်ပြန်ရော။

ဘုရင်ကြီးကပြောတယ်။“ကိုယ်တော့်နောက်က အမျိုးသမီးတစ်ယောက်ရှိတယ်”လို့။ အဲဒီကိုယ်တော်က“မရှိပါဘူးတဲ့။ သူတစ်ခါမှ မမြင်ရဘူး။ သူ ဒီလိုပဲ အပြောခံရတယ်။
သူတစ်ယောက်တည်းပါ။ဘယ်တော့ မှ အမျိုးသမီးတစ်ယောက်နဲ့တွဲနေတာ မရှိပါဘူး”
လို့ ငြင်းတယ်။ ငြင်းပေမယ့် ဘယ်လိုမှမရဘူး။ကိုယ်တော်တွေက တိုင်ကြတန်းကြတာ။
နောက်က အမျိုးသမီးတစ်ယောက် ပါနေတယ်ဆိုတော့ ဒို့သာသနာ နာမည်ပျက်တော့မှာပဲဆိုပြီး
ဘုရင်ထိအောင် တိုင်ကြတယ်။ ဘုရင်ကြီးကိုယ်တိုင် လာစုံစမ်းတာ။

နောက်ဆုံးကျတော့ ဘုရင်ကြီးက အမျိုးမျိုးစူးစမ်းတဲ့အခါကျတော့ တွေ့လိုက် ပျောက်သွားလိုက်၊
တွေ့လိုက် ပျောက်သွားလိုက်၊ ထွက်မသွားနိုင်အောင်ဝိုင်းထား ရှာပြန်တော့လည်းမတွေ့။ အောက်ဆင်းပြီး
ပြန်ကြည့်တော့ ဒီအမျိုးသမီးပုံက ပေါ်နေပြန်ရော။

ဪ၊ အဲလိုလုပ်တော့ ဘုရင်ကြီးက ဒါ အကြောင်းတစ်ခုခုတော့ ရှိမှာပဲဆိုပြီး ဘုရင်ကြီးက
ဆုံးဖြတ်လိုက်တယ်။

အဲဒီ ကိုယ်တော်ကို“အရှင်ဘုရားတဲ့၊ ဒီပုံစံနဲ့ ဆိုရင် ကိုယ်တော့်ကို ဆွမ်းလောင်းမယ့်သူရှိမှာ မဟုတ်ဘူးတဲ့။
သူ့နန်းတော်ထဲကြွပြီး ဆွမ်းစားပါ” ဆိုပြီးတော့ ပင့်သွားတယ်။ ဘုရင်ကြီးကတော့ နားလည်သွားတယ်ပေါ့နော်။ ကျန်တဲ့ ရဟန်းတွေက မကျေနပ်ဘူး။မြတ်စွာဘုရားက ရှင်းပြတယ်။

■အတိတ်ဘဝတုန်းက၊ သံသရာခရီးသွားတုန်းက သူအမှားတစ်ခု လုပ်ခဲ့တယ်။
အဲဒီတုန်းက သူက နတ်သားတစ်ယောက် ဖြစ်ခဲ့တယ်။နတ်သားတစ်ယောက်ဖြစ်တော့ အဲဒီအချိန်မှာ
ရဟန်းတော်နှစ်ပါးဟာ ညီအစ်ကိုလိုပဲ သိပ်ရင်းနှီးကြတယ်။ သူတို့နှစ်ပါး ခရီးသွားအတူတူ၊ နေအတူတူ၊
အဲဒီအကျင့်ကောင်း၊ အနေအထိုင်ကောင်းရဟန်းတော်နှစ်ပါး တူတူသွားတာ ဒီရဟန်းတော်နှစ်ပါး
ဟာ အမြဲတမ်း ပူးတွဲပူးတွဲနေတယ်ပေါ့လေ။ အဲဒီနတ်က “ဒီကိုယ်တော်နှစ်ပါးဟာ ဘယ်တော့မဆို
ပူးတွဲပူးတွဲ လုပ်နေတယ်။ ငါ ကွဲအောင်လုပ်ဦးမယ်” ဆိုပြီးတော့ ခရီးသွားနေတဲ့အချိန်မှာ
ထင်ယောင်ထင်မှား ဖြစ်အောင် လုပ်ခဲ့တာ။

ရဟန်းတော်တစ်ပါးက “ကိုယ်တော်၊ နောက်ဖေး နောက်ဖီ သွားချင်လို့”။
(ခုခေတ်လို ပြောရင်တော့ ကျန်းမာရေးပေါ့နော်။) ပြောပြီး အဲဒီခြုံကြားကို ခဏဝင်တယ်။
ဟို ကိုယ်တော်က ရှေ့နားကစောင့်။ ခြုံကြား ဝင်ပြီး နောက်ဖေးနောက်ဖီသွားပြီးတော့ ပြန်ထွက်လာတဲ့အခါ အဲဒီနတ်သားက ဘာလုပ်တုန်းဆိုတော့ အမျိုးသမီးယောင် ဖန်တီးပြပြီးတော့ ဆံပင်ကို
ပြင်ပြီး ထုံးတာတို့၊ အဝတ်ပြင်ဝတ်တာတို့ဖိုးရိုးဖားယားတွေ ပုံစံအမျိုးမျိုး လုပ်ပြတယ်ပေါ့။
ဟို စောင့်နေတဲ့ ကိုယ်တော်မြင်အောင်ပြတာ။ ပြတော့ ဟိုကိုယ်တော် ကလဲ မျက်စိနဲ့မြင်လိုက်တာ
တကယ်မြင်လိုက်တာပဲ၊ထင်ထင်ရှားရှားကြီးမြင်တယ်။

ကာယကံရှင် ကိုယ်တော်ကတော့ ဘာမှမသိရှာဘူး။ စောင့်နေတဲ့ ကိုယ်တော့်အနားနားလဲရောက်ရော
ဟိုကိုယ်တော်က ပြောတာ၊ “ဟာ၊ ကိုယ်တော်၊ကိုယ်တော် ဒုဿီလပဲ၊
ကိုယ်တော်အကျင့်ပျက်ကြီးပဲ၊လူယုတ်မာကြီးပဲ၊ ကိုယ်တော်နဲ့အတူတူ မနေနိုင်ဘူး”ဆီးပြောတယ်။

ဟိုကိုယ်တော်ကလည်း ငါ ဘာမှမလုပ်ဘဲနဲ့ဘာဖြစ်လို့ ဒီလိုစွပ်စွဲရတာတုန်းဆိုပြီးတော့
နှစ်ပါး ကွဲသွားကြတာ။

အဲဒါ သက်သက်ဝင်ပြီးတော့ “ကွဲအောင်” လုပ်တဲ့ သဘောပဲနော်။
အဲဒီနတ်သား သေသွားတဲ့အခါ “ငရဲ” ကျပြီး၊ခု ဂေါတမ မြတ်စွာဘုရားလက်ထက် အခါကျတော့
“ကောဏ္ဍဒါန” လာဖြစ်တယ်။ ကောဏ္ဍဒါန ဘဝမှာသူဟာ အရှက်တကွဲ အကျိုးနည်း ဖြစ်နေရတယ်။

နောက်ဆုံးမှာ သူ့ကို လူယုတ်မာကြီး၊ လူယုတ်မာကြီးနဲ့ ခေါ်တဲ့အခါ သူကလည်း ပြန်ပြောလာတယ်၊
ပြန်ဆဲလာတယ်။ မြတ်စွာဘုရားက ဆုံးမတယ်။“မင်းဟိုတုန်းကလည်း မဟုတ်တဲ့ အယူအဆ၊
အတွေးအခေါ်တွေကြောင့်မို့ ဒီလို ဒုက္ခရောက်တယ်၊ ခုလဲ ရဟန်းကောင်းတွေနဲ့ တုန့်ပြန်ပြီး
ရန်ဖြစ်နေမယ်ဆိုရင် ပိုပြီးဆိုးသွားလိမ့်မယ်”လို့ ဆုံးမပြီး သည်းခံဖို့ရာ ဟောတယ်။
နောက်ဆုံးကျတော့ သူဟာ ရဟန္တာ ဖြစ်သွားတယ်။ အဲဒီအခါမှာ ခုနက အမျိုးသမီးပုံရိပ်ကြီး
ပျောက်သွားတယ်။

ကဲ၊ သံသရာမှာ အမှားလုပ်ခဲ့ပြီဆိုရင် ခံလေရော။ အရှက်ကွဲ အကျိုးနည်း၊ ဟုတ်လား။