ပါချုပ်ဆရာတော်ကြီး၏ တရားဓမ္မနဲ့ တည့်အောင်နေပါ။

ပါချုပ်ဆရာတော်ကြီး၏ တရားဓမ္မနဲ့ တည့်အောင်နေပါ။
================
ဒီဘ၀ ဒီခန္ဓာကိုယ်ကြီးဟာ အသက်အရွယ်ကြီးလာရင် ချို့ယွင်းလာပါတယ်၊ လောကလူ
တွေကိုကြည့်ပါ၊ အသက်ကြီးလာရင် မကောင်းတဲ့စာရင်းတွေက များလာပြီ။ အဘိုးကြီး အဘွား
ကြီးတွေ ပြောကြတယ်လေ၊ မျက်စိက မကောင်းဘူးတဲ့၊ မျက်စိမှုန်တယ်။ 
မကောင်းတာက မျက်စိတစ်ခုတည်း မဟုတ်ဘူး၊ နားကလည်း မကောင်းဘူးတဲ့၊ ဒူးက
လည်း မကောင်းဘူးတဲ့၊ မကောင်းတာတွေ များလာတယ်။ ဒီ့ထက် ပိုများလာလို့ရှိရင် နှလုံးက
မကောင်းဘူးတဲ့၊ ကျောက်ကပ်က မကောင်းဘူးတဲ့၊ အသည်းက မကောင်းဘူးတဲ့ ကောင်းတာ
တွေ ကုန်သွားရင် သေရတော့တာပဲ။
ပြီးတော့ .. မတည့်တဲ့ စာရင်းတွေလည်း များလာတယ်။ အသက်ကြီးလာရင် ၀က်သား
မတည့်ဘူးတဲ့၊ ဘာဖြစ်လို့လဲ၊ သွေးတိုးရှိလို့။ သကြား မတည့်ဘူးတဲ့၊ ဘာဖြစ်လို့တုန်း၊ ဆီးချို
သွေးချိုရောဂါရှိလို့တဲ့၊ မတည့်တာတွေ များလာပါတယ်။ နောက်ဆုံး သုသာန်ရောက်သွားတော့
ရတာပဲ။
ကိုယ်ခန္ဓာမှာ မကောင်းတာတွေကလည်း များလာတယ်၊ မတည့်တာတွေကလည်း များ
လာတယ်၊ ဒါက သံဝေဂဖြစ်စရာတွေပါ။ ငယ်ငယ်တုန်းကတော့ မတည့်တာဆိုတာ မရှိဘူး၊ အ
ကုန်စားလို့ အဆင်ပြေတယ်။ မကောင်းတာဆိုလည်း မရှိဘူး၊ အကုန်ကောင်းတယ်။ ဒီတော့ ဒီ
လိုဖြစ်လာတဲ့ အခြေအနေမျိုးကို ကိုယ်ကိုယ်တိုင် သိရမှာပါ။
ကျန်တာတွေက မကောင်းဘူး၊ ကျန်တာတွေက မတည့်ဘူးဆိုရင် “တရားဓမ္မ”နဲ့တော့
တည့်အောင်နေရမယ်။ မျက်စိ မကောင်းချင်နေ၊ ခါး မကောင်းချင်နေ၊ နား မကောင်းချင်နေ၊
ကျောက်ကပ် မကောင်းချင်နေ၊ အသည်း မကောင်းချင်နေ ဘာပဲဖြစ်ဖြစ် စိတ်ကလေး ကောင်း
နေဖို့ လိုပါတယ်။ ဒီစိတ်ကလေး ကောင်းနေအောင် ဘုရားအပေါ်မှာ နှစ်နှစ်ကာကာ ယုံကြည်တဲ့
သဒ္ဓါတရားလေး ကောင်းနေဖို့ လိုပါတယ်။
အဲဒီ သဒ္ဓါတရားလေး ကောင်းနေလို့ရှိရင် .. ခန္ဓာကိုယ်ကြီးဆိုတာ အသက်ကြီးမှ သေ
သွားတဲ့သူက မကောင်းလို့ ပစ်ရတယ် ဆိုပေမယ့် အသက်ငယ်တဲ့သူကလည်း ငယ်ငယ်ရွယ်
ရွယ်နဲ့ ကောင်းနေတုန်း ပစ်ထားခဲ့ရတာပါပဲ။
ဒီတော့ .. ကိုယ် သတိထားရမှာက အကောင်းဆုံးဖြစ်အောင် လုပ်ဖို့ဆိုတာ ကိုယ့်ရဲ့စိတ်
ဓာတ်ပဲ။ မြတ်စွာဘုရားဂုဏ်တော်တွေနဲ့ ထုံမွှမ်းပြီးနေထားတဲ့စိတ်ဟာ ဘယ်တော့မှ အောက်ကို
မရောက်စေဘူး။
ဒါကြောင့်မို့ တရားချစ်ခင် ဓမ္မမိတ်ဆွေအပေါင်းတို့ကလည်း မြတ်ဗုဒ္ဓဟောကြားခဲ့သော
တရားဓမ္မများကို လိုက်နာကျင့်သုံးပြီး နိဗ္ဗာန်ချမ်းသာကို ကိုယ်စီကိုယ်ငှ မျက်မှောက်ပြုနိုင်ကြပါ
စေ ကုန်သတည်း။ ။