လူ့ဘ၀ဂုဏ်ရည်

လူ့ဘ၀ဂုဏ်ရည်

ဒီတရားတော်ဟာ ဣတိဝုတ်ပါဠိတော်၊
ပဉ္စပုပ္ပနိမိတ္တ သုတ္တန်မှ လာတယ်။ လူ့
ဘ၀ကို ဂုဏ်တင် ဟောထားတာဖြစ်ပါ
သည်။

သာဝတ္ထိပြည် ဇေတ၀န်ကျောင်းမှာ မြတ်
စွာဘုရား သီတင်းသုံးနေတော်မူစဉ် မြတ်
စွာဘုရားက ရဟန်းတော်များအားဟော
ကြားသည်မှာ ချစ်သားတို့ နတ်ပြည်ရှိနတ်
သားနတ်သမီးများ စုတေခါနီးမှာ
၁။ သူတို့ပန်ထားတဲ့ သုံးဆောင်တဲ့ပန်းတွေ
ဟာ ညှိုးကုန်တယ်။
၂။ တောက်ပသစ်လွင်တဲ့သူတို့အ၀တ်အစား
တွေလည်းညှိုးကုန်တယ်။
၃။ သူတို့ရဲ့လက်ကတီးကြားမှ ချွေးများထွက်
လာကြတယ်။
၎။ မိမိတို့ရဲ့ကိုယ်ရောင်ကိုယ်ဝါတွေမှိန်လာ
ကြတယ်။
၅။ နတ်ပြည်နေရတာပျော်ရွှင်ခဲ့သလောက်
ယခုမူ ငြီးငွေ့လာ ပျင်းရိလာကြတာဖြစ်တယ်။
ဒီလိုဖြစ်လာရင် တစ်ခြားမှနတ်သားနတ်သမီး
များက လူ့ပြည်မှာဆိုရင် လူနာမေးလာမေး
ကြသလို စုတေကာနီး နတ်သား နတ်သမီး
အားလာရောက် အားပေးစကားပြောကြတယ်။
ဝိုင်းပြီးပြောကြတဲ့ စကားသုံးခွန်းမှာ
၁။ နတ်ဘ၀ကစုတေတယ်ဆိုရင် သုဂတိ
ဘ၀ကိုသွားပါတဲ့။
၂။ သုဂတိဘ၀ရောက်ပြီဆိုရင်လဲ ရသင့်ရ
ထိုက်တဲ့ ရကို ရရမဲ့ဆုလာဘ်ကြီးကိုမဖြစ်
မနေ ရအောင်ယူပါတဲ့။
၃။ မဖြစ်မနေရအောင်ယူလို့ရထားတဲ့လာဘ်
လာဘကြီးကိုလည်း ပျောက်ပျက်မသွားအောင်
အမြဲတည်ရှိနေအောင် သတိကြီးစွာနဲ့ထိန်းသိမ်း
စောင့်ရှောက်ပါတဲ့ ဒီသုံးချက်ကိုအားပေးစကား
ပြောကြားကြတယ်တဲ့။
ဤသုံးခွန်းသောအားပေးပြောကြားသောစကား
များ မသိနားမလည်သောကြောင့် ရဟန်းများ
က လျှောက်ထားသောအခါ မြတ်ဘုရားက
နတ်တို့စုတေလို့ပြောင်းသွားရမည့်ဘ၀ဆိုတာ
လူ့ဘ၀ကိုသာပြောတာဖြစ်ကြောင်း နတ်ပြည်
ဆိုတာ စားဝတ်နေရေးတွေ ဘာမျှ မပူရ ကံ
ကြောင့် စားရ ၀တ်ရ နေရတာတွေဖြစ်၍ ဒုက္ခ
ဆိုသည်မှာစုတေခါနီးမှသိကြရောက်ကြရတယ်။
လူ့ပြည်မှာကား စား ၀တ် နေ ရေး ဒုက္ခအမျိုးမျိုး
ခံရသည်ဖြစ်၍ အနိစ္စ ဒုက္ခ အနတ္တတရားစသည်
တို့ကို နတ်ပြည်မှာထက် ထင်လွယ် မြင်လွယ်
လက်ခံလွယ်ကြသည်။ ဘုရားသာသနာတော်လဲ
လု့ပြည်မှာသာထွန်းကားသောကြောင့် လူ့ပြည်
ကိုပြောခြင်းဖြစ်ပါသည်။

၂။ အချက်က မရရအောင်ယူရမည့် လာဘ်ကား
သဒ္ဓါတရားပင်ဖြစ်သည်။ သာသနာကိုကြည်ညို
တဲ့ သဒ္ဓါတရားဟာ လက်နဲ့တူတယ်။ လက်ရှိမှ
ဘာမဆို ရယူနိုင်တာ ဖြစ်တယ်။ နောက်တစ်ဖန်
စီးပွားဥစ္စာအရင်းအနှီးနဲ့လဲတူတယ်။ အရင်းအနှီး
များလေလေ အမြတ် များလေလေပဲ၊ တစ်ခါ ဒီ
သဒ္ဓါတရားဟာ မျိုးစေ့နဲ့လဲ တူတယ်။ မျိုးစေ့
ကောင်းကောင်းစိုက်မှအပင်ရှင်သန် အသီးအပွင့်
ကြီးထွားမြိုင်ဆိုင်သလိုသဒ္ဓါတရားတည်းဟူသော
မျိုးစေ့ရှိမှ ဒါန သီလ ဘာဝနာစသည် မြိုင်မြိုင်
ဆိုင်ဆိုင်သီးပွင့်နိုင်မှာဖြစ်တယ်။ ဒါ့ပြင်သဒ္ဓါတရား
ဟာ လမ်းစာရိက္ခာနဲ့တူပြန်သေးတယ်။ ဒီသဒ္ဓါ
တရားရှိမှ သံသရာတည်းဟူသောခရီးလမ်းမှာ
ဒါန သီလ ဘာဝနာတည်းဟူသော ရိက္ခာထုပ်
များ သယ်နိုင် ထုပ်နိုင် စားသောက်နိုင်မှာဖြစ်
တယ်။

၃။ အချက်မှာ မရမနေရအောင်ယူထားတဲ့ ဒီ
သဒ္ဓါတရားကိုတော့ ကောင်းစွာတည်အောင်
ဘယ်သူက ဘယ်လိုနည်းနဲ့ဖျက်ဖျက် မပျောက်
မပျက်စေရအောင် ကိုယ့်သန္တာန်မှာအမြဲတည်
တံ့နေ ကိန်းနေရမှာဖြစ်ကြောင်းကို မြတ်ဘုရား
က ရဟန်းတော်များအား ဟောကြားရှင်းပြခဲ့ပါ
တယ်။

ဒါနဲ့ ဒီသဒ္ဓါတရားမခိုင်မြဲပုံလေးကို ဥပမာတစ်ခု
ထုတ်နှုတ်ပြပါဦးမယ်။ ရှင်သီဝလိလောင်းလျာ
မယ်တော် သုပ္ပ၀ါသ မင်းသမီးဟာ ခုနှစ်ရက်
တိုင်တိုင် ဆွမ်းလောင်းလှူဆွမ်းကပ်ချင်လို့မြတ်
ဗုဒ္ဓထံ လျှောက်ထားတယ်။ မြတ်ဘုရားက ရှင်
မောဂ္ဂလာန် မထေရ်ကြီး၏ ဒကာက လျှောက်
ထားပြီး ဖြစ်နေတော့ လက်ဝဲတော်ရံ ရှင်မောဂ္ဂ
လာန်ကိုယ်တော်ကြီးကို သူ့ဒကာအားခုနှစ်ရက်
ဆိုင်းငံ့ပေးပါ့မည်အကြောင်းပြောကြားစေတယ်။
ဒီတစ်ခါမှာ ဒကာကြီးက ရှင်မောဂ္ဂလာန် ကိုယ်
တော်မြတ်ကြီးအား သူ၏ ၁။ အသက် ၂။ စီးပွား
ဥစ္စာ ၃။ သဒ္ဓါတရားတို့ကို ခုနှစ်ရက်အတွင်း
မပျက်စီးအောင်အာမခံနိုင်ပါ့မလားလို့လျှောက်
တော့ ရှင်မောဂ္ဂလာန် မထေရ်မြတ်ကြီးက သူ့
ဒကာကြီး၏ အသက်နှင့် စီးပွားဥစ္စာတို့ကို တန်
ခိုးတော်ဖြင့် ကြည့်၍ မပျက်စီးအောင် အာမခံ
ပေးနိုင်သော်လည်း ပုထုဇဉ်၏ သဒ္ဓါတရားကို
ဖြင့် အာမခံမပေးနိုင်ခဲ့ဘူးတဲ့။

ဒါကြောင့် ဒီသဒ္ဓါတရားဟာများစွာအရေးကြီး
လွန်းလို့ သူတော်ကောင်းတရား ခုနှစ်ပါးမှာ
သော်လည်းကောင်း သူတော်ကောင်းဥစ္စာ
ခုနှစ်ဖြာမှာသော်လည်းကောင်း၊ ဣနြေ္ဒငါးပါး
မှာသော်လည်းကောင်း ဗိုလ်ငါးပါးမှာသော်
လည်းကောင်း သဒ္ဓါတရားပါဝင်ဖော်ပြထား
ခြင်းဖြစ်တယ်။
( ကလေးမြို့ ဓမ္မရက္ခိတစာသင်တိုက် စာချ
ဆရာတော်ဟောကြားသည့် လူ့ဘ၀ဂုဏ်ရည်
တရားမှ )

သန်းရွှေဦး - ကလေး
လူ့ဘ၀ဂုဏ်ရည် ဆောင်းပါးမှ

ရတနာမွန်မဂ္ဂဇင်း
အတွဲ ( ၃၂ ) အမှတ် ( ၂ )