(၁) မြတ်စွာဘုရားက အမှန်တရားကို ရှာဖွေတဲ့အခါမှာ
-တစ်ဆင့်ကြားစကားနဲ့လည်း မရှာနဲ့။
-Tradition ဆိုတဲ့အစဉ်အလာနဲ့လည်း မရှာနဲ့။
-လူပြော၊သူပြော ဒီလိုတဲ့ ဆိုတာနဲ့လည်း မရှာနဲ့။
-စာထဲမှာပါတယ်ဆိုတာနဲ့လည်း မရှာနဲ့၊ မဆုံးဖြတ်နဲ့။ူ
-Logic နည်းနဲ့လည်း မဆုံးဖြတ်နဲ့။
-အနုမာန အတွေးအခေါ်မျိုးနဲ့လည်း မဆုံးဖြတ်နဲ့။
-ကြောင်းကျိုးဆင်ခြင်တဲ့နည်းနဲ့လည်း မဆုံးဖြတ်နဲ့။
-ငါ့အယူဝါဒနဲ့ ကိုက်ညီတယ် ဆိုတာနဲ့လည်း မဆုံးဖြတ်နဲ့။
-ဖြစ်နိုင်တယ် ဆိုတာနဲ့လည်း မဆုံးဖြတ်နဲ့။
-တို့ဆရာပြောတဲ့စကား ဆိုတာနဲ့လည်း မဆုံးဖြတ်နဲ့။
-ကိုယ်ပိုင်ဉာဏ်နဲ့ သိပြီးတော့ဆုံးဖြတ်ပါတဲ့။
(၂) ဆုံးဖြတ်လို့ လက်ခံကျင့်သုံးလို့ အပြစ်ရှိလို့
လက်ခံကျင့်သုံးလို့ မကောင်းကျိုးတွေ ပေးမယ်ဆိုရင်
ချက်ချင်း သိတဲ့အချိန်မှာ ချက်ချင်း စွန့်လိုက်ပါ။
(၃) လက်ခံကျင့်သုံးလို့ ကောင်းကျိုးချမ်းသာကို ရမယ်
ဆိုရင် ချက်ချင်း ကျင့်သုံးပါ။
(၄) အဲဒီလို မကောင်းတာတွေကိုစွန့်ပယ်၊
ကောင်းတာတွေကို ကျင့်သုံးတဲ့ အခါမှာ အားလုံးအတွက်
“မေတ္တာ၊ ကရုဏာ၊ မုဒိတာ၊ဥပေက္ခာ”ဆိုတဲ့
ဗြဟ္မစိုရ်တရားများ ပွားများအားထုတ် ပြီးတော့နေပါ။
၅) အဲဒီလို အားထုတ်ပြီးတော့ နေလို့ရှိရင်
နောင်ဘဝ ရှိသည်ဖြစ်စေ ၊ မရှိသည်ဖြစ်စေ၊
အကုသိုလ်ကံရဲ့အကျိုး ရှိသည်ဖြစ်စေ၊ မရှိသည်ဖြစ်စေ၊
ဘာမှစိတ်ပူစရာမရှိပါဘူးလို့ မြတ်စွာဘုရားက ဒီလို
အဆုံးသတ် ဟောကြားခြင်း ဖြစ်ပါတယ်။
ဒါကြောင့်မို့ တရားချစ်ခင်သူတော်စင်ပရိသတ်တို့
ကာလာမသုတ္တန်အတိုင်း မြတ်စွာဘုရား
ဟောကြားဆုံးမတဲ့တရားကို နာယူမှတ်သားပြီး
မိမိတို့ဘဝမှာ တကယ် ဆင်ခြင်စဉ်းစားရမှာက
-အပြစ်ရှိတဲ့အရာလား၊အပြစ်မရှိတဲ့အရာလား၊
-အကုသိုလ်လား ကုသိုလ်လား၊
-ပညာရှိတွေ ကဲ့ရဲ့တဲ့အရာလား၊ ချီးမွမ်းတဲ့အရာလား၊
-လက်တွေ့ကျင့်သုံးလို့ရှိရင်
ကောင်းကျိုးချမ်းသာကို ပေးတတ်သလား ၊
ဆင်းရဲဒုက္ခကို ပေးတတ်သလား ဆိုတာတွေဖြစ်တယ်။
ဒီ အတိုင်းအတာတွေနဲ့ ဆင်ခြင်
သုံးသပ်ပြီး ကိုယ်ပိုငဉာဏ်ဖြင့်ဆုံးဖြတ်ကာ
လက်တွေ့ လိုက်နာကျင့်သုံးကြရမှာ ဖြစ်တယ်လို့
ကိုယ်စီကိုယ်စီ သဘောကျပြီး
ကျင့်ကြံကြိုးကုတ် အားထုတ်နိုင်ကြပါ စေကုန်သတည်း။
-【ပါမောက္ခချုပ် ဆရာတော် ဒေါက်တာ နန္ဒမာလာဘိဝံသ】
0 comments:
Post a Comment