စံပြ ရဟန်းတော် အရှင်သာရိပုတ္တရာ

စံပြ ရဟန်းတော် အရှင်သာရိပုတ္တရာ
=========================
ရဟန်းတို့ ဤဓာတ်တော်များ၏ အရှင်ဖြစ်သော သာရိပုတ္တရာသည် ကမ္ဘာတစ်သိန်းအလွန်ရှိသော တစ်သင်္ချေပတ်လုံး ပါရမီဖြည့်လာခဲ့သော ရဟန်းဖြစ်၏။ ငါဘုရား လည်စေအပ်သော ဓမ္မစင်္ကြာကို အတုလိုက်၍ လည်စေနိုင်သော ငါဘုရား၏ လက်ျာတော်ဝယ် ဒုတိယနေရာ၌ ထိုင်နိုင်သော ရဟန်းလည်းဖြစ်၏။ သာရိပုတ္တရာသည် သာဝကတို့၏ အစည်းအဝေးကို ပြည့်စေနိုင်သော ရဟန်းလည်းဖြစ်၏။ သာရိပုတ္တရာသည် ငါဘုရားကိုထား၍ တစ်သောင်းသော စင်္ကြာဝဠာ၌ ပညာအားဖြင့် အတူမရှိသူလည်းဖြစ်၏။
သာရိပုတ္တရာသည် ကြီးသောပညာရှိသူလည်း ဖြစ်၏။ မြေကြီးအထုကဲ့သို့ ထုထယ်ကြီးသော ပညာရှိသူလည်းဖြစ်၏။ ရွှင်သော ပညာရှိသူလည်းဖြစ်၏။ လျင်သော ပညာရှိသူလည်းဖြစ်၏။ ထက်မြက်သော ပညာရှိသူလည်းဖြစ်၏။
လောဘ ဒေါသ မောဟ အတုံးအခဲကို ဖောက်ခွဲနိုင်သော ပညာရှိသူလည်းဖြစ်၏။
သာရိပုတ္တရာသည် ပစ္စည်းလေးပါးတို့၌ အလိုရမက် မကြီးသော ရဟန်းလည်းဖြစ်၏။ သာရိပုတ္တရာကား တင့်တိမ်ရောင့်ရဲလွယ်သော ရဟန်းလည်ဖြစ်၏။ အပေါင်းအဖော်တို့မှ ကင်းဆိတ်သော ရဟန်းလည်းဖြစ်၏။ လူတို့နှင့် ရောနှောခြင်းမရှိသော ရဟန်းလည်းဖြစ်၏။ လုံ့လ၀ီရိယကြီးမားသော ရဟန်းလည်းဖြစ်၏။ မသူတော်တို့ကို အပြစ်တင်တတ်သော ရဟန်းလည်းဖြစ်၏။ တဆက်တည်းသော ဘ၀ငါးရာတို့ကိုလည်းကောင်း ထိုဘ၀တို့၌ရအပ်သော စည်းစိမ်ကြီးတို့ကိုလည်းကောင်း စွန့်ခွါ၍ ရဟန်းပြုနိုင်သူလည်းဖြစ်၏။
သာရိပုတ္တရာသည် ငါဘုရား၏ သာသနာတော်၌ မြေကြီးအထုကဲ့သို့ သည်းခံနိုင်သူလည်းဖြစ်၏။ ဦးချိုကျိုးသော နွားလားဥသဘကဲ့သို့ မာန်မာနမတက်ကြွသော ရဟန်းလည်းဖြစ်၏။ ဒွန်းစဏ္ဍာ၏သားကဲ့သို့ နှိမ်ချအပ်သော စိတ်ထားရှိသူလည်းဖြစ်၏။
ရွှေကျင်နိကာယဒုတိယသာသနာပိုင် ပဌမကျော် ပရိယတ္တိသာသနာ့ဟိတဓမ္မာစရိယ အဂ္ဂမဟာပဏ္ဍိတ ဘာသာဋီကာကျမ်းပြုအကျော် အမရပူရ မဟာဂန္ဓာရုံဆရာတော်ဘုရားကြီး အရှင်ဇနကာဘိဝံသ၏ နောက်ဆုံးဆယ်လမြတ်ဗုဒ္ဓမှ ကောက်နှုတ်တင်ပြပါသည်။
(မိုးသု-မန္တလေး)
c/o ( MS )