နယုန်လပြည့် မဟာသမယ အခါတော်နေ့။

နယုန်လပြည့် မဟာသမယ အခါတော်နေ့။
==================
နယုန်လပြည့်နေ့သည် ဗုဒ္ဓဘာသာဝင်တို့အဖို့ ငြိမ်းချမ်းရေး မှတ်တိုင်ကို စိုက်ထူနိုင်သော
သမိုင်းဝင် နေ့ထူးနေ့မြတ်ကြီးဖြစ်ပါသည်။ မြတ်စွာဘုရား လက်ထက်တော်ကာလက အိန္ဒိယနိုင်ငံ
တွင် ကပိလ၀တ်ပြည်မှ လယ်သမားများနှင့် ကောလိယပြည်မှ လယ်သမားတို့ ရောဟိနီမြစ်မှ ရေ
ကိုအကြောင်းပြု၍ ရေလုပွဲကြီး ဆင်နွှဲခဲ့ကြဘူး၏။ လယ်သမားများကို အကြောင်းပြု၍ နှစ်ဘက်
နိုင်ငံမှ မင်းညီမင်းသားများနှင့် စစ်သည်တော်များသည်လည်း ရောဟိနီမြစ် ရှိရာသို့ ရောက်ရှိလာ
ကြ၏။ နှစ်ဘက်နိုင်ငံမှ လူအများတို့သည် တုတ်၊ ဓား၊ လက်နက်ကိုင်ဆောင်၍ ထိုး ခုတ် တိုက်ခိုက်
တော့မည့် အခြေအနေသို့ ရောက်ရှိနေကြ၏။
ပဋိပက္ခ ဖြစ်သည့်နေရာသို့ မြတ်စွာဘုရား ရောက်ရှိလာပြီး ငြိမ်းချမ်းရေးကို ရှေးရှု၍ 
အောက်ပါဝတ္ထုများကို သာဓကထုတ်၍ ငြိမ်းချမ်းရေးတရားကို ဟောကြားတော်မူလေသည်။
၁။ ၀က်ဝံနှင့် ရုက္ခစိုးနတ်တို့ ရန်ငြိုးဖွဲ့မှား၍ နှစ်ဦးစလုံး ပျက်စီးကြပုံ “ဖန္ဒနဇာတ်” ။
၂။ မြေပြိုပါပြီဟု ထင်ကြေးဖြင့် ဟစ်အော်ထွက်ပြေးသော ယုန်တစ်ကောင်၏ စကားကို ယုံမှား၍ 
တိရစ္ဆာန်များ အပြေးမှားပြီး ဆင်းရဲဒုက္ခ ရောက်ကြရပုံ “ဒုဒ္ဒုဘဇာတ်(ပထ၀ီဥန္ဒြိယဇာတ်)”
၃။ အားသေးသော နှံစုတ်ငှက်မက အားကြီးသော ဆင်ပြောင်ကြီးကို အနိုင်ယူဖူး၍ ရန်သူကို 
အထင်မသေးသင့်ပုံ “လဋုကိကဇာတ်”
၎။ ညီညွတ်စဉ်အခါက ရန်သူ၏လက်မှ လွတ်မြောက်သော်လည်း စိတ်ဝမ်းကွဲ၍ အချင်းချင်း မညီမ
ညွတ် ဖြစ်လာသောအခါ ငုံးငှက်များ မုဆိုး၏ပိုက်ကွန်၌ အမိခံရပုံ “သမ္မောဒမာနဇာတ်” ။
၅။ သက်မဲ့ဖြစ်သော သစ်ပင်များပင် တစ်စုတစ်ဝေးတည်း တည်မေ၍ လေဘေးအန္တရာယ်မှ ကင်း
ဝေးနိုင်ပုံ “ ရက္ခဓမ္မဇာတ် ”။
၆။ မိမိကိုယ်မိမိ ထိန်းသိမ်းဆုံးမရန် “အတ္တဒဏ္ဍ” သုတ်ကို ထုတ်ဆောင်ဟောပြ ဆုံးမတော်မူပါသည်
အထက်ပါ သာဓက (၆) မျိုးကို နာကြားရသောအခါ နှစ်ဘက်တိုင်းပြည်မှ လယ်သမားများ
နှင့် မင်းညီမင်းသား စစ်သည်တော်များသည် ဒေါသမီး ငြိမ်းစဲကာ လက်နက်များကို စွန့်ပယ်၍ 
မေတ္တာဓာတ်များ သက်ဝင်လာကြကုန်၏။ တစ်လက်လျှင်(၂၅၀) စီ နှစ်ပြည်ထောင်မှ မင်းသားငါး
ရာတို့ သာသနာဘောင်သို့ ၀င်၍ ရဟန်းပြုကြကုန်၏။
ထိုရဟန်းတော်များသည် ဇနီးမယားကို အောက်မေ့တမ်းတ သတိရပြီး သာသနာ့ဘောင်၌
မပျော်မွေ့နိုင်ဘဲ ရှိကြရာ မြတ်စွာဘုရားက ဟိမ၀န္တာတောအတွင်း ကုဏာလ ရေအိုင်သို့ တန်ခိုး
တော်ဖြင့် ခေါ်ဆောင်၍ ကုဏာလ ငှက်မင်း၏ ဇာတ်ကြောင်းကို ဟောပြောတော် မူပါသည်။ တရား
အဆုံး၌ ရဟန်းငါးရာလုံး သောတာပန် ဖြစ်တော်မူကြပါသည်။
မြတ်စွာဘုရားသည် ကုဏာလရေအိုင်မှ ကပိလ၀တ်ပြည်အနီး မဟာဝုန် တောကြီးသို့ ပြန်
လည်ကြွတော်မူရာ အပြန်ခရီးတွင် သောတာပန် ရဟန်းငါးရာလုံး မိမိတို့၏ တန်ခိုးတော်ဖြင့် လိုက်
ပါလာကြကုန်၏။ ထို မဟာဝုန် တောကြီး၌ တရားကို ဆက်လက်အားထုတ်ရာ ရဟန်းတော်အားလုံး
ရဟန္တာချည်း ဖြစ်တော်မူကြပါသည်။
ရဟန်းငါးရာတို့သည် မိမိတို့ ရရှိပြီးသော တရားထူးကို လျှောက်ထားရန် မြတ်စွာဘုရားကို
မြတ်စွာဘုရားကို ဖူးမြော်ရန် နယုန်လပြည့်နေ့ ညချမ်းအချိန်တွင် မြတ်စွာဘုရား အထံသို့ စုရုံး
ရောက်ရှိလာကြကုန်၏။ ဤကဲ့သို့ ထူးခြားသော သံဃာ့အစည်းအဝေးကြီးကို တွေ့မြင် ကြည်ညို
လိုကြကုန်သော နတ်ဗြဟ္မာ အသုရာနှင့် ဂဠုန်နဂါးတို့သည် မဟာဝုန် တောကြီးသို့ အုပ်စုအလိုက်
စုရုံးရောက်ရှိကြကုန်၏။ ဤကဲ့သို့ နတ်ဗြဟ္မာများ စုရုံးစည်းဝေးမိသော(နံယုန်လပြည့်နေ့)အချိန်ကို 
မဟာသမယ ဟု ခေါ်ဆိုပါသည်။
ဘုရားရှင်သည် ထိုနတ်သဘင် အစည်းအဝေး၌ မိန့်ကြားသော စကားတော်များကို မဟာ
သမယသုတ် ဟု ခေါ်ဆိုပါသည်။ သုတ်တော်ကြီးကို ဟောကြားပြီးနောက် သမ္မာပရိဗ္ဗာဇနိယသုတ်၊
ကာလဟ၀ိဝါဒသုတ်၊ မဟာဗျူဟသုတ်၊ စူဠဗျူဟသုတ်၊ တုဝဋကသုတ်၊ ပုရာဘေဒသုတ်၊- တို့ကို
ဆက်လက်ဟောကြားတော်မူရာ နတ်ဗြဟ္မာပေါင်း ကုဋေတစ်သိန်းစီ ကျွတ်တမ်းဝင်ကြပါသည်။
တရားချစ်ခင် သူတော်စင်တို့ကလည်း ဤ မဟာသမယသုတ်ကို ရွတ်ဖက်ပူဇော်ခြင်းဖြင့်
ကုသိုလ်ပွားများကာ မြတ်နိဗ္ဗာန်ကို ရရောက်နိုင်ကြပါစေ ကုန်သတည်း။