သုပ္ပိယဥပါသိကာမ

သုပ္ပိယဥပါသိကာမ

မြတ်စွာဘုရား သက်တော်ထင်ရှား ရှိစဉ်အခါ
ဗာရဏသီပြည်ရှိ သူဋ္ဌေးကြီးတွင် အလွန်ချော
မောလှပသော သမီးတစ်ဦး ရှိလေသည်။
အရွယ်ရောက်သောအခါ သုပ္ပိယသူဋ္ဌေးသား
နှင့်လက်ထပ်ထိမ်းမြားသဖြင့် သုပ္ပိယသူဋ္ဌေး
ကတော်ဟုအမည်တွင်ခဲ့၏။ ဗုဒ္ဓမြတ်စွာသည်
ရဟန်းအပေါင်းခြံရံလျှက် ဗာရာဏသီပြည်သို့
ကြွရောက်လာသောအခါဣသိပတနမိဂဒါဝုန်
ကျောင်းတိုက်၌ သီတင်းသုံးတော်မူပါသည်။
သုပ္ပိယ သူဋ္ဌေးကတော်သည် ဗုဒ္ဓမြတ်စွာကို
ပထမအကြိမ် ဖူးမြင်ရပြီး မြတ်စွာဘုရား၏
တရားတော်ကို နာကြားရ၍ သောတာပန်ဖြစ်
သွားသည်။

သုပ္ပိယ သောတာပန် သူဋ္ဌေးကတော်မှာ
မြတ်စွာဘုရား၏ ဥပါသိကာမ ဖြစ်သွားပြီး
နောက် မိဂဒါဝုန် ကျောင်းတိုက်အတွင်း၌
ကျောင်းစဉ် လှည့်လှည်၍ကြည့်ရှုလေသည်။
ထိုသို့လှည့်လည်ကြည့်ရှုသောအခါ ရဟန်း
တစ်ပါးသည် ၀မ်းလျှော၍ အားအင်ကုန်ခမ်း
လျှက် မကျန်းမမာဖြစ်နေသည်ကို တွေ့ရှိ၏။
သုပ္ပိယဥပါသကာမသည် ထိုရဟန်းကိုဖူး
တွေ့ရှိခိုးပြီးလျှင် အခြေအနေကိုစုံစမ်းမေး
မြန်းလျှောက်ထား၏။

အရှင်ဘုရား ကျန်းမာရေးအတွက်ဘာများ
လိုအပ်ပါသလဲဘုရား။

ဒါယိကာမကြီး သားမျိုးဟင်းရည်ဖြစ်သော
စွပ်ပြုပ်ရည်ကို အလိုရှိနေပါတယ်။

ကောင်းလှပါပြီ ။ အရှင်ဘုရားလိုအပ်လျက်
ရှိသော စွပ်ပြုပ်ရည်ကို တပည့်တော်မ ပို့
လိုက်ပါ့မည်။

သုပ္ပိယ ဥပါသိကာမသည် ဂိလာနရဟန်း
အား လိုအပ်သည်များကိုမေးမြန်းပြီးနောက်
မြို့တွင်းသို့ ပြန်လာခဲ့၏။ မိမိ နေအိမ်သို့ပြန်
ရောက်လျှင် အလိုလို ဖြစ်သော အသား
ပံသကူအသား ရရှိစေရန် အိမ်စေကျွန်မတို့
အား မြို့တွင်းအနှံ့ စေလွှတ်လိုက်၏။ အိမ်
စေကျွန်မတို့လည်း မြို့တွင်းအနှံ့ သွား၍ ပံ့
သကူအသား ရှာဖွေပါသော်လည်း မိမိ
ပယောဂမပါပဲ အလိုလို ရသော ပံ့သကူ
အသား ရှာမရသောကြောင့်သူဋ္ဌေးကတော်
အား ပြန်ပြောကြ၏။

သုပ္ပိယဥပါသိကာမလည်း ဂိလာနရဟန်း
ဖြစ်သော အရှင်သူမြတ်အား သားမျိုး စွပ်
ပြုပ်ရည် ပို့မည်ဟု တာဝန်ယူခဲ့၏။ ပံသကူ
အသားမရ၍ မပို့နိုင်သော် ငြိုငြင်ပင်ပန်းရှာ
လိမ့်မည်ဟု ကြံစည်တွေးတောမိသည်။
ထို့ကြောင့် အိမ်အခန်းအတွင်း ၀င်သွား၍
မိမိပေါင်သားအားလှီးဖြတ်ကာ အိမ်စေတို့
ကိုပေးအပ်၏။

သုပ္ပိယဥပါသိကာမသည် အိမ်စေတို့အား

ရှင်မ ... ဤအသားကို ငရုတ်၊ ကြက်သွန်
စသည်ဖြင့် ကောင်းစွာချက်ပြုတ်၍ မိဂ၀ါ
ဝုန် ကျောင်းတိုက်ရှိ ဂိလာနရဟန်းထံသို့
စွတ်ပြုတ်ရည် ပို့ပေးပါ။ ငါ့အား မေးလျှင်
ကောင်းစွာ မကျန်းမာ၍ ကိုယ်တိုင်မလာ
နိုင်ကြောင်း လျှောက်ထားပါဟု မှာကြား
၏။

အိမ်စေကျွန်မသည်လည်း သူဋ္ဌေးကတော်
ပြောသည့်အတိုင်းပြုလုပ်၏၊ မြတ်စွာဘုရား
သည် သုပ္ပိယသူဋ္ဌေးပင့်လျှောက်သဖြင့်
ထိုအကြောင်းကိုသိတော်မူပြီးနောက်တစ်
နေ့ နံနက်ဆွမ်းခံချိန်တွင် ရဟန်းအပေါင်း
ခြံရံလျှက် ကြွရောက်တော်မူလာ၏။

မြတ်စွာဘုရားသည် သုပ္ပိယဥပါသိကာမ
အားတွေ့ဆုံပြီးလျှင် အပြန်အလှန်မေးမြန်း
ခြင်းပြု၏။

သုပ္ပိယဥပါသိကာမ ဘယ်မှာလဲ။

မကျန်းမမာဖြစ်နေပါသည်ဘုရား။

ငါဘုရားတွေ့လိုပါသည် ပွေ့ချီ၍ခေါ်ဆောင်
လာခဲ့ပါ။

သုပ္ပိယသူဋ္ဌေးလည်း သုပ္ပိယဥပါသိကာမ
အား ပွေ့ချီ၍ ခေါ်ယူလာခဲ့၏။ သုပ္ပိယဥပါ
သိကာမသည် မြတ်စွာဘုရားရှင်ကိုဖူးမြင်
ရသည်နှင့် အနာပျောက်ကင်း၍ ပကတိ
အသွင်အတိုင်း ကျန်းမာစွာဖြင့်ရှိခိုးလေ၏။

ဗုဒ္ဓမြတ်စွာ၏ အာနုဘော်သည် အံ့မခန်း
ကြီးမြတ်လှ၏။ မဖြစ်စဖူးထူးကဲလှပေ၏။
မြတ်စွာဘုရားအားဖူးမြင်ရသည်နှင့်တပြိုင်
နက် အနာသည်ပကတိအတိုင်းဖြစ်သွား
၏ဟု ဇနီးမောင်နှံနှစ်ဦးလုံး၏စိတ်၌ တက်
ကြွစွာ သဒ္ဓါစိတ်ဖြစ်ပေါ်လျှက် ဘုရားအမှူး
ရှိသောသံဃာတော်အရှင်သူမြတ်တို့အား
တရားဟောကြားတော်မူပြီး၍ ကျောင်း
တော်သို့ပြန်ကြွတော်မူပါသည်။ ကျောင်း
သို့ပြန်ရောက်သည့်အခါ၌ သံဃာ့အစည်း
အဝေးကျင်းပ၍ အစည်းအဝေး၌အောက်ပါ
အတိုင်း မိန့်မြွက်တော်မူသည်။

ရဟန်းတို့ အဘယ်သူသည် သုပ္ပိယဥပါသိ
ကာမအား အသားတောင်းသနည်း။

တပည့်တော်သည် သုပ္ပိယဥပါသိကာမ
အား အသားတောင်းမိပါသည် ဘုရား။

ရဟန်း ... အသားပို့ဆောင်လိုက်ရဲ့လား။

ပို့ဆောင်ပေးလာပါသည်ဘုရား။

ရဟန်း .. သင်သည် သုံးဆောင်လိုက်ပါ
သလား။

သုံးဆောင်မိပါသည် မြတ်စွာဘုရား။

ရဟန်းသင်သည် မည်သည့်အသားဖြစ်
သည်ဟု စုံစမ်းမေးမြန်းမိပါရဲ့လား။

မစုံစမ်း မမေးမြန်းမိပါဘုရား။

ထိုအခါ မြတ်စွာဘုရားသည် အသားတောင်း
သည့်ရဟန်းကို များစွာသော အကြောင်းဖြင့်
ကဲ့ရဲ့ ရှုတ်ချတော်မူပြီးလျှင် လူသား မစားရ၊
စားလျှင် ဒုက္ကဋ် အာပတ် သင့်စေဟု သိက္ခာ
ပုဒ်ပညတ်တော်မူခဲ့သည်။

ဤသို့ဖြစ်ပြီးနောက် နောင်အခါ မြတ်စွာဘုရား
သည် ဇေတ၀န်ကျောင်းတော်၌ လူဝတ်ကြောင်
အမျိုးသမီးတို့အား ဧတဒဂ်ထားရာ၌

ငါ၏ တပည့်မ ဥပါသိကာမတို့တွင် သူနာကို
ပြုစုလုပ်ကျွေးရာတွင် သုပ္ပိယဥပါသိကာမသည်
အမြတ်ဆုံးဟု ဂိလာနပဋ္ဌာကီအရာတွင်ဧတဒဂ်
ထားတော်မူပါသည်။

ကျန်းကိုး ။ မဟာဗုဒ္ဓ၀င် ဆဋ္ဌမတွဲ(ဒုတိယပိုင်း)
ကိုမှီငြမ်းပါသည်။

မျိုးမြင့်-အောင်လံ
သီလ၀ဘာသာရေးမဂ္ဂဇင်း
အတွဲ-၉၊ အမှတ်-၁၂၊ ၁၉၉၈။