သီလအရာ၌ကိုယ်ချင်းစာနာ ချမ်းသာစေလိုအောင် လှုံ့ဆော်စေ့စပ်မှု အဒေါသစေတနာ

သီလအရာ၌ကိုယ်ချင်းစာနာ ချမ်းသာစေလိုအောင်
လှုံ့ဆော်စေ့စပ်မှု အဒေါသစေတနာ

သီလအရာနှင့်ပတ်သတ်လျှင်မှု တစ်ဖက်သားအပေါ်
ကိုယ်ချင်းစာနာ ချမ်းသာစေလိုမှု အဒေါသစေတနာ
ကဦးဆောင်လေသည်။ မှန်၏ တစ်ဖက်သားအပေါ်
မေတ္တာမထားနိုင်သူများအနေဖြင့် ငါးပါးသီလကိုပင်
ဆောက်တည်နိုင်စရာ အကြောင်းမရှိပေ။ ဥပမာ
အားဖြင့်

သူ့အသက်ကို ရန်ရှာပါမှ မိမိဝမ်းရေးဖူလုံရရှာသော
ငါးရှာ ဖားရိုက် တောလိုက်ရသူများအနေဖြင့် ပါဏာ
တိပါတကံကို ထိန်းသိမ်းရန်။

သူ့ဥစ္စာကို မတော်မတရားကြံဖန်ခြင်းဖြင့် အသက်
မွေးရရှာသော အလေးတင်းတောင်း မမှန်မကန်ပြု
သူများ၊ လာဘ်စားသူများ၊ သူခိုးဓါးပြများအနေဖြင့်
အဒိန္နာဒါနကံကို ထိန်းသိမ်းရန်။

သူတစ်ပါးအိမ်ထောင်ရေး သူတစ်ပါးအသိုက်အမြုံ
ပျက်စီးမည့်အရေးကို အမှုမထားအားဘဲ ကိုယ့်
အလိုပြည့်ဝစေရန် သူများအိမ်ယာကို ကျူးလွန်
နေကြသူများအနေဖြင့် ကာမေသုမိစ္ဆာစာရကံကို
ထိန်းသိမ်းရန်။

သူတစ်ဘက်သား ဒုက္ခများမည်ကိုမျှ မသနားနိုင်
ဘဲ လိမ်ညာလှည့်ဖျား ချောက်တွန်းခြေထိုးတတ်
ကြသူများအနေဖြင့် မုသာဝါဒကံကို ထိန်းသိမ်းရန်။

မိမိသောက်စားမူးယစ် ရမ်းကားသဖြင့် စီးပွား
ပျက်သုန်း လူလုံးမလှ မျက်နှာငယ်ကြရရှာမည့်
မိမိ၏မိသားစုကိုမျှ မသနားတတ်ကြသူများအနေ
ဖြင့် သုရာမေရိယကံကို ထိမ်းသိမ်းရန် အဘယ်
သို့လျှင် စွမ်းနိုင်ကြပါမည်နည်း။

ထို့ကြောင့် သီလအရာသည် သားငါးမှအစ တစ်
ဖက်သားအပေါ် မေတ္တာထားနိုင်ကြသူ အဒေါသ
စေတနာ ပိုင်ရှင်များ၏ အရာသာဖြစ်လေသည်။
ဒေါသ၏အပြစ်ကို မြင်အောင်ကြည့်ခြင်း၊ မေတ္တာ
၏ကျေးဇူး၊ သီလ၏ကျေးဇူးကို မြင်အောင်ကြည့်
ခြင်းဖြင့် သီလအပေါ်ယုံကြည်သော သဒ္ဓါတရား
နှင့် အဒေါသစေတနာလှုံ့ဆော်အားကိုထက်သန်
စေကြရမည်ဖြစ်လေသည်။

အရှင်ဝိသာရဒ (ရမ္မာဝတီ )
ပရလောကသားများအတွက် ပရဟိတ