မသေချင်ရင် အသက်ရှုပါ

မသေချင်ရင် အသက်ရှုပါ

ဓမ္မရာဇာဖြစ်တော်မူပေသော မြတ်စွာဘုရားသခင်
ကိုယ်တော်မြတ်ကြီးလက်ထက် တစ်ခုသောမြစ်
ကမ်းမှာရှိတဲ့ မြတ်စွာဘုရား ရွှေကျောင်းတော်မှာ
အရှင်သမိဒ္ဓိဆိုတဲ့ကိုယ်တော်လေးတစ်ပါးရှိခဲ့ပါ
သတဲ့။

ဒီကိုယ်တော်လေးဟာ အသက်ကငယ်ငယ်
အရွယ်ကလည်း နုနု၊ အဆင်းကလည်းအလွန်
ချောဆိုတော့ မြင်သူတိုင်းရှုမောကြရတယ်ဆိုပဲ။
အဲဒီလောက်ချောတဲ့ လှတဲ့ကိုယ်တော်ကလေး
ပေါ့။ သည်ကိုယ်တော်လေးဟာ အာရုဏ်တက်
မှာတရားထိုင်၊ ပြီးတော့ ကျောင်းအာရာမ်ထဲမှာ
တံမြက်လှဲ စကြံလျှောက် ပြီးတော့မြစ်ဆိပ်မှာ
ရေချိုးလေ့ရှိခဲ့ပါတယ်။

ရေချိုးပြီးတဲ့အခါမှာ သင်းပိုင်လေးကိုလဲပြီးခန္ဓာ
ကိုယ်က ရေမှုန်ရေမွှားလေးတွေပျောက်သွား
အောင် နေရောင်မှာအသာရပ်လို့ ဧကသီကို
လက်နှစ်ဖက်နဲ့မြှောက်ထားပါသတဲ့။ ဧကသီ
ကို ရေမှုန်တွေ မစိုအောင်ပေါ့။

အချိုးအစားကျလှတဲ့ ခန္ဓာကိုယ်အဆစ်အပိုင်း
တွေနဲ့ ၀ါဝင်းတဲ့အသားအရောင်နဲ့ဆိုတော့
စိတ်ထဲမှာ မှန်းပြီးသာကြည့်ကြပေတော့။
ကာယဗလနဲ့ယောက်ျားပီသတဲ့ ခန္ဓာကိုယ်ပိုင်
ရှင်ဖြစ်နေတာပေါ့။ အရွယ်ကငယ်ငယ်ရုပ်ရည်
ကချောချောဖြစ်နေတော့ မြစ်စောင့်နတ်သမီး
က တိတ်တခိုးကြိုက်နေတယ်ဆိုပဲ။ တော်
တော်ဆိုးတဲ့ နတ်သမီးပဲနော်။

သူက ကိုယ်ထင်ပြလိုက်သေးတယ်တဲ့။

အသင်နတ်သမီး ဘာကိုလျှောက်ထားချင်လို့
တုန်းလို့ ကိုယ်တော်လေးကမေးလိုက်တယ်။

ဒီလိုပါဘုရားတဲ့။ အရှင်ဘုရားဟာ အသက်
လေးကလည်းငယ်၊ အရွယ်လေးကလည်းနု
အဆင်းလေးကလည်း ချောမောလှပလွန်းနေ
ပါတယ်။ ကာမဂုဏ်ကိုခံစားပါဦးတော့လား။
အရွယ်ရင့်လို့ အသက်ကလေးရလာတော့မှ
တရားကျင့်ပါလား ကိုယ်တော်လေးရဲ့တဲ့
အတင်းဇွတ်ပြောတော့တာပါပဲ။ ပြီးတော့
ရေမွှေးသင်းရနံ့တွေ ဖြန့်ဝေလိုက်တယ်။
ဒီတော့ အရှင်သမိဒ္ဓိက

ဟယ်နတ်သမီး အဆင်းနဲ့လည်း ငါ့ကိုမမျှားနဲ့။
ရနံ့နဲ့လည်း ငါ့ကိုမမြူပါနဲ့။ အသံနဲ့လည်းငါ့ကို
မညုပါနဲ့။ အတွေ့နဲ့လည်း ငါ့ကိုမချူပါနဲ့။
အဆင်း အသံ အနံ့ အတွေ့ဆိုတာ ငါ့အတွက်
အဓိပ္ပါယ်မရှိပါဘူး။ ငါဟာ ၀င်လေနောက်ကို
မလိုက်သလို၊ ထွက်လေနောက်ကိုလည်း ငါ
မလိုက်ပါဘူး။ ငါဟာသိဆိုတဲ့ သဘောတရား
ကလွဲလို့ ငါဆိုတာလည်း ငါ့မှာမရှိပါဘူး။
ပညတ်ကိုမလွှဲသာလို့သာသုံးပေမယ့် ငါ့အမြင်
ဟာပရမတ်ပါ။ နတ်သမီးရဲ့ အသင်သွားပါ
တော့လို့ နှင်ပါသတဲ့။

ဒါပေမယ့် နတ်သမီးက မသွားသေးဘဲ ပေ
ကပ်ကပ် လုပ်နေသေးတယ်။ ပြီးတော့ပြော
နေသေးတယ်။ အရွယ်ငယ်သေးလို့ပြောနေ
ရတာပါကိုယ်တော်လေးရဲ့တဲ့။ တယ်ခက်ပါ
လားနော်။

ဟယ်နတ်သမီး အရွယ်ကိုသင်အာမခံနိုင်လို့
လား။ သတ္တ၀ါတွေဟာ မသိခြင်းငါးပါးနဲ့နေ
ကြတာပဲ ဘယ်ကလာတယ်။ ဘယ်အရွယ်
နေရမယ်။ ဘာရောဂါနဲ့သေမယ်။ အသေ
ကောင်ကို ဘယ်သချိုင်းမှာ ပစ်ချခဲ့ရမယ်။
ဘယ်ဘ၀ကိုရောက်မယ်ဆိုတာ သိကြရဲ့
လား။

မသိကြပါဘူး။

မသေချင်ရင် အသက်ရှုရမယ်ကွဲ့။ သင့်ခန္ဓာ
ငါ့ခန္ဓာဆိုတာတွေဟာ သေမယ့် ခန္ဓာတွေပဲ။
အလွတ်ရှုရင်တော့ အလွတ်သေရမှာပဲ။
မသေရာကနိဗ္ဗာန်၊ နိဗ္ဗာန်ဟာမသေဘူး။
မသေချင်ကြရင်ဖြင့် အာနာပါနသတိနဲ့
အသက်ရှု၊ စိတ္တ၊ ကာယ၊ ဝေဒနာ၊ ဓမ္မနုပ
ဿနာတရားတွေနဲ့ အစဉ်ပွားများပြီးတော့
သတိနဲ့အသက်ရှုကြတာကို မသေချင်ရင်
အသက်ရှုလို့ပြောတာကွဲ့လို့ အဲဒီလိုအမှတ်
အသိနဲ့ သိ သိပြီး ရှုခိုင်းတဲ့အသက်ရှုနည်းကို
အများသဘောကျအောင် တရားဟောကာ
ပြလိုက်တော့မှ နတ်သမီးဟာလက်မြှောက်
ပြီးပျောက်ကွယ်သွားတော့တယ်တဲ့။

နိုင်မင်းဆွေကြူသင်း ( ဥက္ကံ )
ရတနာမွန်မဂ္ဂဇင်း
၂၀၀၅ခုနှစ် ဇူလိုင်လ။